Латушка: Лічым важным, каб Ціханоўская палітычна падтрымала працэс выбараў у КР

18 траўня, Позірк. “Мы лічым важным, каб Святлана Ціханоўская палітычна падтрымала сам працэс выбараў у Каардынацыйную раду, паколькі гэта важная менавіта палітычная падзея”, — заявіў “Позірку” намеснік кіраўніцы Аб’яднанага пераходнага кабінета (АПК), кіраўнік Народнага антыкрызіснага ўпраўлення Павел Латушка, які ўзначальвае адну груп, што балатуюцца ў КР.

Такім чынам палітык пракаментаваў апублікаваны 16 траўня сумесны зварот шэрагу актараў, якія ўдзельнічаюць у выбарах у КР, і адказаў на пытанне, ці лічаць яны недастатковай увагу дэмакратычнага лідара да гэтага працэсу.

Паводле слоў Латушкі, яе заяву пра падтрымку і заклік галасаваць на выбарах “чакаюць як многія кандыдаты ў члены КР, “якія ўжо ўсе трапілі пад рэпрэсіі рэжыму”, так і “актыўная частка беларускага грамадства, якая выступае за ўмацаванне трох інстытутаў” — прэзідэнта-электа, АПК і КР. Пры гэтым ён падкрэсліў, што на сустрэчы з прадстаўнікамі беларускай дыяспары ў Познані 16 траўня “такія словы ўжо прагучалі з боку Святланы Ціханоўскай”.

Выбары ў трэці склад КР пройдуць 25–27 траўня.

Падрабязнасці даступныя падпісчыкам “Позірк+”