Кіраўнік СК анансаваў рост крымінальных спраў у рамках спецвытворчасці ў 2024 годзе
21 чэрвеня, Позірк. У 2024 годзе колькасць крымінальных спраў у рамках спецыяльнай вытворчасці будзе павялічвацца, заявіў журналістам 21 чэрвеня старшыня Следчага камітэта Дзмітрый Гара.
Паводле яго слоў, якія прыводзяць дзяржаўныя СМІ, на сёння крымінальныя справы ў гэтым парадку распачатыя ў дачыненні да 108 асоб — у суды накіравана 82 справы, у вытворчасці застаецца 26.
Па большасці такіх спраў, адзначыў Гора, накладаецца арышт на маёмасць абвінавачаных. “Гэта і кватэры, і дамы, і ўчасткі, і дарагія аўтамабілі. Шмат маёмасці, якая павінна быць паводле рашэння суда рэалізаваная ў даход дзяржавы”, — сказаў кіраўнік СК.
Спецыяльная вытворчасць — вытворчасць па крымінальнай справе ў дачыненні да абвінавачанага, які знаходзіцца па-за межамі Беларусі і ўхіляецца ад яўкі ў орган, што вядзе крымінальны працэс. Магчымая па 34 складах злачынстваў, якія пераважна адносяцца да катэгорыі цяжкіх і асабліва цяжкіх. Сярод іншага гэта акт тэрарызму, генацыд, наёмніцтва, здрада дзяржаве, дыверсія, стварэнне экстрэмісцкага фарміравання або ўдзел у ім, масавыя беспарадкі, заклікі да санкцый ды інш.
