Тэлеграм-канал “ШапитоДичь” прызнаны “экстрэмісцкім фарміраваннем”
Будынак КДБ у Мінску
15 ліпеня, Позірк. Камітэт дзяржбяспекі 4 ліпеня прызнаў “экстрэмісцкім фарміраваннем” тэлеграм-канал “ШапитоДичь” і два звязаныя з ім тэлеграм-акаўнты.
Адпаведная інфармацыя ўнесена ў абноўлены пералік на сайце МУС.
Паводле звестак КДБ, да “фарміравання” маюць дачыненне Алена Елькіна і Станіслаў Подаў.
Праз пошук “ШапитоДичь” не знаходзіцца.
У спісе “экстрэмісцкіх фармаванняў” на 15 ліпеня 224 пазіцыі, у тым ліку два дзясяткі недзяржаўных грамадска-палітычных СМІ.
