Справа аб выбуху на Светлагорскім ЦКК накіраваная ў суд

25 ліпеня, Позірк. Генеральная пракуратура накіравала ў суд крымінальную справу аб выбуху на Светлагорскім цэлюлозна-кардонным камбінаце (Гомельская вобласць), паведамляе прэс-служба нагляднага ведамства.
Адзначаецца, што падазраваным па справе з’яўляецца “намеснік начальніка цэха”. Яму інкрымінаванае “парушэнне правілаў аховы працы службовай асобай, адказнай за іх выкананне, якое пацягнула па неасцярожнасці смерць дзвюх і больш асоб” (ч. 3 арт. 306 Крымінальнага кодэкса).
Фігуранту справы пагражае ад 3 да 7 гадоў пазбаўлення волі з “пазбаўленнем права займаць пэўныя пасады або займацца пэўнай дзейнасцю”.
Згодна з матэрыяламі справы, абвінавачаны 7 чэрвеня 2023 года “арганізаваў і непасрэдна кіраваў правядзеннем падначаленымі работнікамі хімічнай ачысткі (прамывання) цеплаабменніка ад арганічных адкладаў”. Пры гэтым ён “разумеў, што выбраныя ім спосаб прамывання і чысцячы сродак у выглядзе перакісу вадароду не прадугледжаныя тэхнічнай дакументацыяй”.
“Выяўленая намеснікам начальніка цэха нядбайнасць прывяла да самаадвольнай ланцуговай экзатэрмічнай рэакцыі раскладання перакісу вадароду і хімічнага выбуху ў рэжыме яе дэтанацыі, праз што на месцы здарэння загінулі трое рабочых”, — сцвярджае Генпракуратура.
Паводле ацэнак следства, выбухам нанесены маёмасны ўрон прадпрыемству на 7 млн рублёў.
Абвінавачанаму прад’яўленыя іскавыя патрабаванні аб кампенсацыі шкоды.
7 чэрвеня 2023 года начальнік Светлагорскага раённага аддзела па надзвычайных сітуацыях Андрэй Высоцкі паведаміў, што падчас пошукава-выратавальных работ на месцы аварыі на ЦКК “выяўленыя парэшткі меркавана траіх чалавек”.
СК паведаміў, што ў выніку “ўспышкі газапаветранай сумесі” на прадпрыемстве пацярпелі чатыры чалавекі.
Цэнтр медыцынскага рэагавання Міністэрства аховы здароўя заяўляў, што пацярпелых чацвёра (1985–1996 г.н.). Ва ўсіх дыягнаставаныя паверхневыя раны галавы і паверхневыя апёкі рук.
8 чэрвеня Следчы камітэт паведаміў пра гібель у выніку выбуху трох чалавек. Загінулыя — супрацоўнікі прадпрыемства ва ўзросце 31, 24 і 42 гадоў.
Заяўлялася аб ўзбуджэнні справы паводле арт. 302 КК (парушэнне правілаў вытворча-тэхнічнай дысцыпліны, правілаў бяспекі на выбухованебяспечных прадпрыемствах або ў выбухованебяспечных цэхах альбо правілаў бяспекі выбухованебяспечных работ).
ААТ “Светлагорскі ЦКК” — буйны вытворца сульфатнай беленай цэлюлозы, гофракардону, гофраскрынак, паперы для гафрыравання і іншых прадуктаў з першасных і другасных папяровых валокнаў.
- Эканоміка
- ЭканомікаАфіцыйны курс долара ў Беларусі за студзень — красавік 2025 года знізіўся на 12,2% — другое месца на тэрыторыі былога СССР (падрабязна)Матэрыял даступны толькі падпісчыкам ПОЗІРК+
- Грамадства, ПалітыкаХроніка палітычных рэпрэсій за 26–30 красавіка 2025 годаМатэрыял даступны толькі падпісчыкам ПОЗІРК+
- Грамадства
- Грамадства, Палітыка
- Грамадства, Палітыка
- Грамадства, Палітыка
- Грамадства, Палітыка
- Грамадства
- Грамадства
- Грамадства, Палітыка
- Грамадства
- Грамадства, Палітыка
- Грамадства, Палітыка
- Грамадства, Эканоміка
- Грамадства, ЭканомікаЗа год колькасць індывідуальных прадпрымальнікаў зменшылася на 6,3% — даныя Белстата (падрабязна)Матэрыял даступны толькі падпісчыкам ПОЗІРК+
- Палітыка
- ЭканомікаГродзенская вобласць, экс-намеснік старшыні якой узначаліў Дзяржкаммаёмасць, сярод лідараў па нявыкарыстаных плошчах у дзяржуласнасціМатэрыял даступны толькі падпісчыкам ПОЗІРК+
- Грамадства, Палітыка
- Эканоміка
- Палітыка
- Палітыка
- Эканоміка
- Палітыка
- ЭканомікаКолькасць занятых у беларускай эканоміцы за апошнія 12 месяцаў павялічылася на 8 тыс. (падрабязна)Матэрыял даступны толькі падпісчыкам ПОЗІРК+
- Палітыка
- Грамадства, Палітыка
- Палітыка
- Грамадства, Палітыка
- Палітыка