Перад навагоднім зваротам Ціханоўскай беларускія ўлады заблакавалі “Ютуб”

31 снежня, Позірк. Перад навагоднім відэазваротам дэмакратычнага лідара Святланы Ціханоўскай беларускія ўлады заблакавалі “Ютуб”.

Першым пра гэта паведаміў сайт “Наша Ніва” са спасылкай на чытачоў, якія знаходзяцца ў краіне. З VPN патрапіць на платформу можна.

Крыніцы “Позірку” ў Беларусі пацвердзілі гэтую інфармацыю.

Навагодні зварот Ціханоўскай выйшаў 31 снежня а 23.50 адначасова са зваротам Аляксандра Лукашэнкі.

Абнаўленне (1 студзеня, 0.19): Блакаванне “Ютуба” спынена.