Белстат: Чысты прыбытак рэзідэнтаў СЭЗ за тры кварталы 2023 года знізіўся на 13,7%

22 студзеня, Позірк. Агульны чысты прыбытак рэзідэнтаў свабодных эканамічных зон (СЭЗ) Беларусі за тры першыя кварталы 2023 года скараціўся на 13,7% да студзеня — верасня 2022-га да 1 млрд 620,4 млн рублёў, сведчыць праведзены “Позіркам” аналіз інфармацыі Нацыянальнага статыстычнага камітэта.

Прыбытак нарасцілі тры з шасці СЭЗ: “Гродна-Інвест” — да 362,1 млн (у 2,4 раза), “Брэст” — да 326,6 млн рублёў (6,7%), “Віцебск” — да 128 ,2 млн (37,6%).

Зона “Мінск” за дзевяць месяцаў паказала прыбытак у 504,6 млн (-17,1%), “Гомель-Ратон” — 169,6 млн рублёў (-53,7%), “Магілёў” — 129,3 млн (-62,9%).

На 1 кастрычніка 2023 года ў свабодных эканамічных зонах Беларусі было 425 рэзідэнтаў (+5), у якіх працавала 136.438 чалавек (-1,5%).

Сальда знешняга гандлю таварамі за год павялічылася да 2 млрд. 696,7 млн долараў (+4,9%), паслугамі — зменшылася да -28 млрд 664,4 млн (-44,7%).