У Савеце Рэспублікі занепакоіліся “магчымымі правакацыямі УСУ” на Курскай і Запарожскай АЭС
![](https://pozirk.online/wp-content/uploads/2024/04/Sov_Rep_press.jpg)
20 жніўня, Позірк. “Глыбокую занепакоенасць” выказаў 20 жніўня прэзідыум Савета Рэспублікі Нацыянальнага сходу (СР НС) “у сувязі з паведамленнямі аб магчымых нападах і правакацыях УСУ ў дачыненні да шэрагу ядзерных аб’ектаў, у прыватнасці Курскай і Запарожскай атамных электрастанцый”.
“Мы асуджаем вар’яцкія акты нанясення удараў па энергетычнай інфраструктуры горада Энергадар і Запарожскай атамнай электрастанцыі, у выніку якіх, паводле ацэнак спецыялістаў, пагаршаецца сітуацыя з ядзернай бяспекай на Запарожскай АЭС”, — цытуе заяву прэзідыума прэс-служба СР НС.
У кантэксце наступстваў чарнобыльскай аварыі падкрэсліваецца, што Беларусь “як ніводная іншая краіна ўсведамляе ступень найцяжэйшых доўгачасовых наступстваў тэхнагенных катастроф на ядзерных аб’ектах”. “У той ці іншай ступені наступствы чарнобыльскай катастрофы закранулі звыш двух дзясяткаў краін”, — заяўляюць аўтары звароту.
“Нягледзячы на неаднаразовыя заклікі кіраўніцтва Міжнароднага агенцтва па атамнай энергіі (МАГАТЭ) да стрыманасці, сітуацыя вакол Запарожскай АЭС застаецца складанай”, — падкрэслівае прэзідыум верхняй палаты парламента.
Ён “вымушаны нагадаць” аб Міжнароднай канвенцыі па барацьбе з актамі ядзернага тэрарызму, у якой адзначаецца, што падобныя тэракты “могуць прыводзіць да самых сур’ёзных наступстваў і могуць ствараць пагрозу міжнароднаму міру і бяспецы”.
Прэзідыум заклікаў “парламенты і парламенцкія арганізацыі кансалідаваць намаганні” па папярэджанні актаў ядзернага тэрарызму, а таксама “садзейнічаць умацаванню міжнароднага супрацоўніцтва паміж дзяржавамі” ў прыняцці адпаведных практычных мер і “для крымінальнага пераследу і пакарання вінаватых”.
“Мы таксама заклікаем кіраўніцтва ААН і МАГАТЭ неадкладна і самым рашучым чынам рэагаваць на сітуацыі, якія ствараюць пагрозу ядзернай бяспецы на атамных электрастанцыях у выніку нападаў на іх і забеспячальную інфраструктуру. Падахвочваем трымаць гэтае пытанне ў фокусе пільнай публічнай увагі і рэгулярна інфармаваць аб становішчы спраў і прымаемых прэвентыўных мерах”, — рэзюмуюць аўтары заявы.
16 жніўня расійскія дзяржаўныя СМІ распаўсюдзілі паведамленне “ўпраўлення ўнутраных спраў вайскова-грамадзянскай адміністрацыі Харкаўскай вобласці”, у якім заяўлялася пра намер Кіева нанесці ўдары па “ядзерных аб’ектах Расійскай Федэрацыі”.
“На гэты момант вядома пра намер атакаваць атамныя аб’екты Курскай і Запарожскай АЭС у Курчатаве і Энергадары”, — гаварылася ў паведамленні.
Мэтай удараў, як сцвярджалася, з’яўляецца “наступнае абвінавачванне РФ у правакацыі (у самападстрэле), у рамках якой кіраўніцтва Расіі можа прыняць меры ў адказ і нанесці ўдар ядзернай зброяй па тэрыторыі Украіны”.
“Кіеўскім рэжымам атрымана каманда максімальна падняць градус эскалацыі”, — заяўляла “адміністрацыя”.
За мінулыя чатыры дні ўдараў па ўказаных аб’ектах нанесена не было.
Згаданая “вайскова-грамадзянская адміністрацыя Харкаўскай вобласці” была створаная Крамлём улетку 2022 года пасля ўварвання ў гэты рэгіён Украіны акупацыйнай арміі РФ. Паведамлялася, што яе ўзначаліў “падпалкоўнік лнр” Віталь Ганчаў.
Выказваліся меркаванні, што “адміністрацыю” стварылі з мэтай арганізацыі ў Харкаўскай вобласці “рэферэндуму па ўваходжанні ў склад Расіі”.
У верасні 2022 года члены “адміністрацыі” пакінулі рэгіён у сувязі з распачатым контрнаступленнем украінскай арміі.
Цяпер Расія кантралюе нязначную частку Харкаўскай вобласці.
Запароская АЭС знаходзіцца пад кантролем Расіі з сакавіка 2022 года.
З 6 жніўня Узброеныя сілы Украіны (УСУ) вядуць наступальную аперацыю ў Курскай вобласці. На вечар 20 жніўня ўкраінскія вайскоўцы ўзялі пад кантроль 1.263 квадратныя кіламетры і 93 населеныя пункты. Курчатаў, дзе размешчаная Курская АЭС, застаецца пад кантролем РФ.
- ЭканомікаУ жніўні продажы "БелДжы" на рынку РФ знізіліся на 7%Матэрыял даступны толькі падпісчыкам ПОЗІРК+
- Эканоміка
Продажы новых грузавікоў МАЗ на рынку Расіі ў жніўні знізіліся на 27%
- Палітыка
Швецыя працягне падтрымліваць беларускія дэмсілы, заяўляе АПК
- Палітыка, Эканоміка
Кіраўнік МЗС звязаў удзел у ініцыятыве "Пояс і шлях" з захаваннем міру ў Беларусі
- Палітыка
Лукашэнка лічыць, што беларусам цяжка зразумець матывы еўрапейскіх эліт
- Эканоміка
Долар і еўра патаннелі на біржавых таргах 12 верасня
- Палітыка
Ваенная акадэмія гатовая пашыраць пералік спецыяльнасцей пад запыты Кітая — Хрэнін
- Грамадства, ПалітыкаЗа траціну верасня Літва спыніла больш спробаў парушэння мяжы з Беларусі, чым за ўвесь жнівеньМатэрыял даступны толькі падпісчыкам ПОЗІРК+
- Грамадства, Палітыка
Лукашэнка сцвярджае, што “не прывык дзяліць людзей паводле нацыянальнасцяў” (дапоўнена)
- Грамадства
На мяжы з Літвой затрымалі дваіх мужчын з беспілотнікамі
- Грамадства, Палітыка
Лукашэнка сцвярджае, што "не прывык дзяліць людзей паводле нацыянальнасцяў"
- ЭканомікаБелстат: За восем месяцаў будаўніча-мантажныя работы падаражэлі на 12%Матэрыял даступны толькі падпісчыкам ПОЗІРК+
- Грамадства
Смяротныя аварыі здарыліся 12 верасня ў Рагачоўскім раёне і Мінску
- Палітыка
Еўрапарламент 18 верасня абмяркуе сітуацыю з беларускімі палітвязнямі
- Грамадства, Палітыка
Сейм Латвіі прыняў папраўкі з забаронай на знаходжанне ў краіне аўто з беларускімі нумарамі
- Палітыка
Праваабаронца Кісляк абскардзіў у грузінскім судзе адмову ў наданні прытулку
- Грамадства
Гарыць лес на тэрыторыі Палескага радыяцыйна-экалагічнага запаведніка
- Палітыка, Эканоміка
Беларусь выкарыстоўвае для перавалкі сваёй прадукцыі 14 расійскіх партоў, аб'ёмы растуць — кіраўнік Мінтранса
- ПалітыкаПраваабаронца Кісляк абскардзіў у грузінскім судзе адмову ў наданні прытулку (падрабязна)Матэрыял даступны толькі падпісчыкам ПОЗІРК+
- Грамадства, ПалітыкаХроніка палітычных рэпрэсій за 11 верасня 2024 годаМатэрыял даступны толькі падпісчыкам ПОЗІРК+
- Палітыка
Новаствораны "Першы інфармацыйны" канал уключаны ў абавязковы ТБ-пакет
- Палітыка, Эканоміка
"Беларуськалій" пяць гадоў пастаўляў тэхнічную соль у "днр" і "лнр" — расследаванне
- Эканоміка
"Расатам" прапануе на разгляд тры пляцоўкі для захоўвання радыеактыўных адкідаў БелАЭС
- Эканоміка
У жніўні больш за ўсё падаражэлі капуста, агуркі, цытрусавыя
- ЭканомікаУ жніўні больш за ўсё падаражэлі капуста, агуркі, цытрусавыя (падрабязна)Матэрыял даступны толькі падпісчыкам ПОЗІРК+
- Палітыка
На вучэннях у Століне МУС адпрацавала гарадскі бой з "дыверсійнымі групамі"
- Палітыка
Маці журналісткі Вольгі Класкоўскай з'ехала з Беларусі
- Палітыка
Апеляцыйны суд Сербіі адправіў на дапрацоўку справу аб экстрадыцыі Андрэя Гнёта
- Грамадства, Эканоміка
Мінпрацы: 81% тых, хто атрымлівае сямейны капітал датэрмінова, выкарыстоўвае яго для паляпшэння жыллёвых умоў
- Палітыка
МУС вучыцца змагацца з "незаконнымі ўзброенымі фарміраваннямі", Кубракоў ускосна аднёс да іх УСУ