Лукашэнка прапанаваў прэм’еру КНР арганізаваць “вялікі прыход” кітайскіх тэхналогій у Беларусь
22 жніўня, Позірк. “Рэалізацыю вялікага прыходу кітайскіх тэхналогій” у Беларусь прапанаваў вызначыць “стрыжневы задачай да 2030 года” Аляксандр Лукашэнка на сустрэчы 21 жніўня з прэм’ерам Дзяржсавета КНР Лі Цянам.
Паводле слоў Лукашэнкі, якія перадае яго прэс-служба, “сёння Кітай — прызнаны лідар у галіне інавацый”, і “менавіта ў КНР рэалізуюцца тэхналагічныя мегапраекты”. Да такіх ён аднёс кітайскую “ўласную сістэму глабальнай навігацыі”, “самы вялікі ў свеце тэлескоп”, “кітайскую арбітальную станцыю і шырокафюзеляжны самалёт”.
“Кітай лідзіруе ў вытворчасці акумулятараў, сонечных батарэй, высакахуткасных цягнікоў, электрамабіляў і іншым”, — адзначыў Лукашэнка, дадаўшы, што бачыць развіццё Беларусі “ў спалучэнні з канцэпцыяй новых прадукцыйных сіл Кітая на аснове тэхналогій, інавацый і якаснага чалавечага патэнцыялу”.
Лукашэнка паведаміў, што за 17 гадоў у Беларусі з дапамогай Кітая рэалізавана 27 стратэгічных прамысловых праектаў больш як на 5 млрд долараў. Ён адзначыў, што дзякуючы падтрымцы Кітая “ўвасобленая мара” краіны — “уласны легкавы аўтамабіль “БелДжы”, які вырабляецца “на базе “Джылі”.
Паводле сцвярджэння Лукашэнкі, цяпер “у актыўнай прапрацоўцы з кітайскімі партнёрамі 15 новых інвестпраектаў стратэгічнага ўзроўню на суму да 3 млрд долараў”.
Ён анансаваў падпісанне беларуска-кітайскага пагаднення аб стварэнні зоны свабоднага гандлю паслугамі і ажыццяўленні інвестыцый, заявіўшы, што “Беларусь — першая краіна ў Еўразійскім эканамічным саюзе, з якой Кітай заключае падобную дамову”.
“Беларусь чакае, што дзякуючы стварэнню празрыстых і прадказальных правілаў у найбліжэйшыя 5 гадоў экспарт беларускіх паслуг у Кітай вырасце як мінімум на 12–15%, а інвестыцыі ў Беларусь — не менш чым на 30%”, — гаворыцца на сайце Лукашэнкі.
Паводле яго сцвярджэння, Беларусь і Кітай, якія “ўстанавілі найвышэйшы ў гісторыі ўзровень адносін — усепагоднага і ўсебаковага стратэгічнага партнёрства”, “адзіныя не толькі ў ацэнках мінулага, але і ў поглядах на цяперашнюю палітычную сітуацыю, а таксама на будучае светаўладкаванне”.
“Дзве краіны аказваюць абна адной безумоўную падтрымку ў пытаннях, якія закранаюць карэнныя інтарэсы”, — сказаў Лукашэнка, заявіўшы што яго і старшыню КНР Сі Цзіньпіна “звязвае глыбокае і шчырае сяброўства”.
Візіт Лі Цяна ў Беларусь праходзіць 22–23 жніўня. Прэм’ер Дзяржсавета КНР прыбыў у Мінск з Масквы, дзе правёў перамовы са сваім калегам Міхаілам Мішусціным і сустрэўся з прэзідэнтам Расіі Уладзімірам Пуціным.
Першапачаткова візіт быў запланаваны на 31 ліпеня, пра што заяўляў, у прыватнасці, пасля нарады ў Лукашэнкі міністр замежных спраў Максім Рыжанкоў.
Падчас гэтай нарады Лукашэнка заявіў, што першы віцэ-прэм’ер Мікалай Снапкоў даложыць аб выпрацоўцы перамоўнай пазіцыі ў развіццё яго (Лукашэнкі) дамоўленасцяў са старшынёй КНР Сі Цзіньпінам.
Віншуючы 15 чэрвеня Сі Цзіньпіна з 71-годдзем, Лукашэнка заявіў, што Мінск імкнецца да “цеснага супрацоўніцтва па ажыццяўленні ініцыятыў Пекіна ў галіне глабальнай бяспекі, развіцця цывілізацыі” і іншых сферах.
Летась Лукашэнка двойчы наведваў Кітай і сустракаўся з кіраўніком КНР. Першы візіт адбыўся 28 лютага — 2 сакавіка, другі — 3–4 снежня. Абодва разы абмяркоўваўся шырокі спектр пытанняў, у тым ліку звязаных з эканомікай, міжнароднымі адносінамі.
- Грамадства, ПалітыкаХроніка палітычных рэпрэсій за 17 верасня 2024 годаМатэрыял даступны толькі падпісчыкам ПОЗІРК+
- Палітыка
Сталі вядомыя прозвішчы яшчэ 11 палітвязняў, вызваленых па памілаванні
- Палітыка
АПК абмеркаваў падрыхтоўку да другога раўнда стратэгічнага дыялогу з ЗША
- Грамадства, Палітыка
"Экстрэмісцкім фарміраваннем" прызнаны адукацыйны праект "Адукаванка"
- Грамадства, Палітыка
Лукашэнка забараніў фізічным асобам і ІП гандляваць крыптавалютай па-за беларускімі біржамі
- Грамадства, Палітыка
Латушка звярнуўся да МЗС Польшчы з просьбай аб дапамозе беларусам, якія пацярпелі ад паводкі
- Палітыка
Лукашэнка заявіў пра немагчымасць паўтарэння 2020 года, бо ўлады "ўмеюць здабываць урокі з мінулага"
- Палітыка
Лукашэнка прызнаў, што расійскія беспілотнікі залятаюць у Беларусь
- Грамадства, Эканоміка
З 20 верасня вырастуць тарыфы на праезд па платных дарогах
- Грамадства, Палітыка
Латушка і Коўшык абмеркавалі з уладамі Польшчы праблемы беларускіх студэнтаў
- Палітыка
Беларусь будзе ўдзельнічаць у саміце па ўрэгуляванні канфлікту ва Украіне, калі туды запросяць Расію — амбасадар у Швейцарыі
- ЭканомікаБольш за ўсё за год прадукты харчавання ў ЕАЭС падаражэлі ў Беларусі і РасііМатэрыял даступны толькі падпісчыкам ПОЗІРК+
- Палітыка
Рыжанкоў прыняў у новага амбасадара Кітая копіі даверчых грамат
- Грамадства, Палітыка
Журналістцы-палітзняволенай Шчыраковай уручаная прэмія Free Media Awards
- Палітыка
Ціханоўская заклікала палітэмігрантаў не наведваць Беларусь
- ГрамадстваЗа апошнія пяць дзён на беларускіх метэастанцыях зафіксавана 70 тэмпературных рэкордаўМатэрыял даступны толькі падпісчыкам ПОЗІРК+
- Палітыка
Еўрапарламент узгадняе тэкст рэзалюцыі аб палітвязнях у Беларусі — Лябедзька
- ЭканомікаЗапасы прампрадукцыі на складах за пяць гадоў выраслі ў 1,7 разаМатэрыял даступны толькі падпісчыкам ПОЗІРК+
- Палітыка
Прапагандыст Пратасевіч паведаміў прозвішчы яшчэ 10 вызваленых палітвязняў
- Грамадства
У першым чытанні прыняты законапраект, які змякчае пакаранне паводле "антынаркатычнага" арт. 328 КК
- ЭканомікаВа ўсіх абласцях Беларусі запаволіўся рост ВРПМатэрыял даступны толькі падпісчыкам ПОЗІРК+
- Палітыка
Ціханоўская правядзе "шэраг палітычных сустрэч" у ЗША
- Эканоміка
Долар, еўра і юань падаражэлі на біржавых таргах 17 верасня
- Эканоміка
ПП НС ратыфікавала пагадненне з Расіяй аб вытворчасці самалёта "Асвей"
- ЭканомікаСельгасвытворчасць у гадавым вымярэнні вырасла на 7,1% — БелстатМатэрыял даступны толькі падпісчыкам ПОЗІРК+
- ПалітыкаЛатушка заклікаў міністэрствы абароны краін НАТО ўсталяваць кантакты з прадстаўніком АПК па абаронеМатэрыял даступны толькі падпісчыкам ПОЗІРК+
- Эканоміка
Рэальныя даходы насельніцтва за год павялічыліся на 9,9% — Белстат
- ЭканомікаРэальныя даходы насельніцтва за год павялічыліся на 9,9% — Белстат (падрабязна)Матэрыял даступны толькі падпісчыкам ПОЗІРК+
- Эканоміка
Белстат: Аб'ём грузаперавозак за восем месяцаў у гадавым вымярэнні вырас на 2,8%
- Палітыка
Латушка: Рэжым Беларусі — праблема для еўрапейскай бяспекі