Нападнікі на беларускі прыход у Вільнюсе замахнуліся на асновы чалавечнасці — святар Аляксандр Кухта
10 верасня, Позірк. Нападнікі на беларускі прыход Канстантынопальскай праваслаўнай царквы ў Вільнюсе “замахнуліся на асновы чалавечнасці”, такое меркаванне выказаў святар Аляксандр Кухта 10 верасня падчас візіту дэмакратычнага лідара Святланы Ціханоўскай, якая завітала, каб падтрымаць рэлігійную супольнасць.
Паводле слоў святара, пакінутая куляй пнеўматычнай зброі ў ноч на 4 верасня дзірка ў шыбе “вельмі маленькая”, “ніхто ад гэтага не пацярпеў”, але яна надзвычай сімвалічная.
Айцец Аляксандр нагадаў, што “пасля жахаў Першай і Другой сусветных войнаў” людзі зразумелі, што не перажывуць трэці вялікі канфлікт, таму прынялі пэўныя правілы вядзення вайны.
“Так з’явілія тыя самыя Жэнеўскія канвенцыі і іншыя міжнародныя дакументы, — сказаў ён. — Паводле гэтых дакументаў, нельга страляць па дзіцячых дамах, бяззбройных, трэба клапаціцца пра параненых, нават калі гэта салдаты варожай арміі. У гэтых дакументах сказана, што святары не могуць быць мішэнню для баявых дзеянняў, маюць права падчас вайны быць на фронце, выконваць свае святарскія абавязкі; ні ў якім выпадку цэрквы, храмы не могуць быць мішэнню для любых атак”.
Людзі, якія напалі на беларускі прыход (“пакуль мы не ведаем, хто гэта, але маем галоўнага падазраванага — беларускі КДБ”), падкрэсліў ён, “парушылі правілы вядзення вайны — паднялі руку на храм”.
“Напэўна, яны хацелі паказаць: “Глядзіце, мы такія крутыя, мы можам усё, нават храм атакаваць, нам за гэта нічога не будзе”, — выказаў здагадку святар. — Але на самой справе гэтыя людзі замахнуліся на асновы нашай цывілізацыі, нашай чалавечнасці, якую мы выпакутавалі жахамі войн. Таму калі іх імёны будуць вядомыя (спадзяюся, у хуткім часе), трэба каб усе ведалі, што вось гэтыя людзі не проста хуліганы, якія нешта зрабілі, побач праходзіўшы, а людзі, якія замахваюцца на нашу чалавечнасць, хочуць нас завесці назад у жахі пачатку XX стагоддзя”.
Ціханоўская адзначыла, што нагода для яе візіту “не вельмі добрая”, але, на яе думку, “такія рэчы нават больш аб’ядноўваюць, больш заклікаюць да салідарнасці”.
“Думаю, можа, нават больш людзей [будзе] прыходзіць сюды, каб паглядзець на гэты акт вандалізму, заадно паглядзець, як выглядае ваша царква, — сказала палітык. — Мы ўсе разумеем, чаму гэта робіцца, хто гэта робіць, але, упэўненая, што такія рэчы не дадуць разбурыць сувязь паміж літоўцамі і беларусамі, паміж [самімі] беларусамі ўвогуле”.
У размове з амбасадарам па асаблівых даручэннях МЗС Літвы ў дачыненні да Беларусі Астай Андрыяўскене ды іншымі дыпламатамі, якія таксама прыйшлі, каб патрымаць беларускі праваслаўны прыход, Ціханоўская адзначыла, што рэжым Аляксандра Лукашэнкі “не падчас вайны, але ў мірны час” выкарыстоўвае такія метады, каб “застрашыць беларусаў, нанесці ўдар па сяброўстве беларусаў і літоўцаў”.
“Але, вядома, мы ўпэўненыя ў вашай салідарнасці, трывалай падтрымцы беларускай барацьбы за дэмакратыю і незалежнасць. Мы ўдзячныя за гэта”, — сказала яна суразмоўцам.
Напад на прыход адбыўся ў тую ж ноч, калі невядомыя разбілі шыбы ў вільнюскім Цэнтры беларускай культуры і супольнасці, і за суткі да таго, як ля шэлтару “Замак” арганізацыі “Дапамога” з’явіўся антыбеларускі надпіс. Месяцам раней невядомы разбіў шыбы і пакінуў ксенафобскі надпіс на сцяне будынка, дзе месціцца беларуская крама і творчая прастора “Кропка”.
Айцец Аляксандр паведаміў “Позірку”, што паліцыя выняла кулю, якая была побач з прабітай шыбай. Пасля гэтага са святарамі праваахоўнікі не звязваліся. “Зразумела, што мы маем стасункі з іншымі пацярпелымі. Думаем, што сітуацыя з нападамі на беларусаў усіх у Вільнюсе дастала, гэтаксама як і літоўскую паліцыю. Маецца адчуванне, што наш выпадак далучаны да тэчкі з іншымі выпадкамі, і ўсё гэта разам будзе рухацца”, — сказаў ён.
- Палітыка
Еўрапарламент абмеркаваў рэзалюцыю аб становішчы палітвязняў у Беларусі
- ПалітыкаЕўрапарламент абмеркаваў рэзалюцыю аб становішчы палітвязняў у Беларусі (падрабязна)Матэрыял даступны толькі падпісчыкам ПОЗІРК+
- ПалітыкаХроніка палітычных рэпрэсій за 18 верасня 2024 годаМатэрыял даступны толькі падпісчыкам ПОЗІРК+
- ПалітыкаСікорскі назваў уручаную Латушку прэмію імя Валенсы "выражэннем падтрымкі дэмакратычных памкненняў беларусаў"Матэрыял даступны толькі падпісчыкам ПОЗІРК+
- Грамадства, Палітыка
Грамадзянін Латвіі Асарс затрыманы за ўвоз у Беларусь амфетаміну — ДМК
- Палітыка
Праваабаронцы прызналі палітвязнямі яшчэ сем чалавек
- ЭканомікаПры адмене цэнавага кантролю інфляцыя не перавысіць 10% — эксперт BEROC ХарытончыкМатэрыял даступны толькі падпісчыкам ПОЗІРК+
- Палітыка
Сталі вядомыя прозвішчы ўсіх 37 палітвязняў, вызваленых па памілаванні 16 верасня
- Палітыка
Ютуб-каналы беларускіх дзяржСМІ заблакаваныя ў Літве
- Эканоміка
Беларускую эканоміку чакае “павольнае астыванне” — BEROC
- ЭканомікаБеларускую эканоміку чакае "павольнае астыванне" — BEROC (падрабязна)Матэрыял даступны толькі падпісчыкам ПОЗІРК+
- Палітыка
Латушка прысвяціў прэмію “Салідарнасць” свайму бацьку і братам і паабяцаў “давесці барацьбу да канца”
- ПалітыкаЛатушка прысвяціў прэмію "Салідарнасць" свайму бацьку і братам і паабяцаў "давесці барацьбу да канца" (падрабязна)Матэрыял даступны толькі падпісчыкам ПОЗІРК+
Па патрабаванні гомельскай пракуратуры песні гурта Tor Band выдаленыя з прыкладання "Яндэкс Музыка"
- Грамадства
Мінулым днём на беларускіх метэастанцыях перапісана дзевяць рэкордаў цяпла 60-гадовай даўніны
- ГрамадстваМінулым днём на беларускіх метэастанцыях перапісана дзевяць рэкордаў цяпла 60-гадовай даўніны (падрабязна)Матэрыял даступны толькі падпісчыкам ПОЗІРК+
- Палітыка
Латвія звярнулася да ўладаў Беларусі з нагоды знікнення свайго грамадзяніна
- Палітыка
Названыя прозвішчы 27 палітвязняў, памілаваных 16 верасня
- Палітыка, Эканоміка
Суд ЕС адмовіўся здымаць санкцыі з "Беларуськалія", яго гендырэктара Галаватага і БКК
- Палітыка
Мінабароны незадаволенае тым, што Беларусь не запрашаюць назіраць за заходнімі вучэннямі
- Палітыка
Змітра Дашкевіча пачалі судзіць па новым абвінавачанні ў "злосным непадпарадкаванні" адміністрацыі калоніі
- ГрамадстваУлады маюць намер ліквідаваць аб'яднанні "Бізнес-ініцыятыва" і "Дзеці ХХІ стагоддзя"Матэрыял даступны толькі падпісчыкам ПОЗІРК+
- Палітыка
Праваабаронцы: Па справе праекту "Адукаванка" праходзяць затрыманні і выклікі ў КДБ настаўнікаў з усёй Беларусі
- Палітыка
НАТО рыхтуецца да канфлікту супраць "нашых дзяржаў", сцвярджае камандуючы ВПС і войскамі СПА Беларусі
- Грамадства
У Гомельскай вобласці 19 верасня будуць гучаць сірэны
- Эканоміка
Долар, еўра і юань падаражэлі на таргах БВФБ 18 верасня
- Палітыка, ЭканомікаДМК заявіў пра рост паступлення мытных плацяжоў без пазначэння аб'ёму — праз службовую таямніцуМатэрыял даступны толькі падпісчыкам ПОЗІРК+
- Грамадства, Эканоміка
Паводле ўзроўню заробку ў сферы медыцыны Беларусь на перадапошнім месцы ў ЕАЭС
- Грамадства, ЭканомікаПаводле ўзроўню заробку ў сферы медыцыны Беларусь на перадапошнім месцы ў ЕАЭС (падрабязна)Матэрыял даступны толькі падпісчыкам ПОЗІРК+
- Палітыка
АДКБ стварае пагрозы бяспецы і існаванню Арменіі, заявіў Пашынян