Пярцоў сцвярджае, што ў Беларусі не абмяжоўваюць доступ насельніцтва да інфармацыі
2 кастрычніка, Позірк. Намеснік кіраўніка Адміністрацыі прэзідэнта, экс-кіраўнік Мінінфарма Уладзімір Перцоў сцвярджае, што ў Беларусі не абмяжоўваюць доступ насельніцтва да інфармацыі.
Заявы прагучалі ў рамках сустрэчы са студэнтамі інжынерна-тэхнічных ВНУ ў Беларускім дзяржаўным універсітэце інфарматыкі і радыёэлектронікі 2 кастрычніка.
“Гаворка ідзе не толькі пра студэнтаў ВНУ, але і вучняў старэйшых класаў школ, навучэнцаў сярэдніх спецыяльных навучальных устаноў, прадстаўнікоў рабочай моладзі. Бо моладзь у меншай ступені глядзіць тэлевізар і дастаткова рэдка чытае газеты. Інфармацыю яна знаходзіць у сацыяльных сетках і месэнджэрах”, — цытуюць Перцова дзяржСМІ.
“Мы ж не абмяжоўваем доступ маладых людзей да разнастайнай інфармацыі. У гэтым — асноўны прынцып, які даводзіць кіраўнік нашай дзяржавы. Гэта прынцып любой дэмакратычнай дзяржавы, у адрозненне ад нашых апанентаў, якія закрываюць нават каналы з праграмай “Калыханка”, — заявіў ён.
Міністр інфармацыі Марат Маркаў на сустрэчы заявіў аб прызнанні ўладамі “памылак”, якія яны “здзейснілі да 2020 года”: “Да 20-га года мы былі занадта даверлівымі, цяплічнымі, саромеліся абараняць сваю медыяпрастору і прымаць адэкватныя заканадаўчыя нормы, якія абаранілі б наш інфармацыйны суверэнітэт і не дазволілі б распладзіцца тысячам экстрэмісцкіх рэсурсаў і сотням прадажных медыйшчыкаў”.
“Мы змянілі падыходы і можам цвяроза ацэньваць той медыяпалітычны ландшафт, які ёсць сёння, праз чатыры гады”, — заявіў чыноўнік.
Паводле Маркава, у Беларусі на сёння 8,5 млн інтэрнет-карыстальнікаў. З іх 5,5 млн карыстаюцца “Ціктокам”, 4 млн — “Інстаграмам”, а “папулярным рэсурсам для пошуку навін і перапіскі застаецца “Тэлеграм”.
Аб тым, што больш за 5 тыс. інтэрнет-рэсурсаў у Беларусі прызнаны “экстрэмісцкімі” і “доступ да іх абмежаваны”, Маркаў паведаміў 20 верасня. Усяго “цяпер прынята рашэнне аб абмежаванні доступу да амаль 14 тыс. інтэрнет-рэсурсаў”, удакладніў ён.
Паводле кіраўніка Мінінфарма, са студзеня 2015-га па студзень 2020-га было заблакавана каля 400 інтэрнэт-рэсурсаў.
Пасля падаўлення маштабных пратэстаў супраць сфальсіфікаваных прэзідэнцкіх выбараў 2020 года і жорсткасці сілавікоў рэжым Аляксандра Лукашэнкі стаў метадычна знішчаць непадкантрольную яму частку медыясектара. Асноўныя незалежныя СМІ былі разгромленыя, многія іх супрацоўнікі патрапілі пад крымінальны пераслед ці былі вымушаныя пакінуць краіну, ратуючыся ад рэпрэсій, і аднавіць працу за мяжой.
Паводле звестак Беларускай асацыяцыі журналістаў, у няволі знаходзяцца 33 прадстаўнікі медыя.
Мінінфарм выкарыстаў "Калыханку" для крытыкі блакавання ў Літве ютуб-каналаў беларускіх дзяржСМІ
23 верасня, Позірк. Міністэрства інфармацыі назвала "чарговым фактам інфармацыйнай цэнзуры" з боку ўладаў Літвы рашэнне аб блакаванні 18 ютуб-каналаў беларускіх дзяржаўных СМІ. У заяве, распаўсюджанай 23 верасня, ведамства расцаніла гэта як "чарговы недружалюбны крок, накіраваны на абмежаванне доступу жыхароў Літвы …