Мяжа Жытомірскай вобласці Украіны з Беларуссю цалкам “зашытая”, заяўляе кіраўнік мясцовай ваеннай адміністрацыі
14 кастрычніка, Позірк. Мяжа Жытомірскай вобласці Украіны з Беларуссю цалкам “зашытая”, пагрозы ўварвання праз яе няма, заявіў у інтэрв’ю ўкраінскаму выданню “Главком” кіраўнік абласной ваеннай адміністрацыі Віталь Бунечка.
Паводле яго слоў, работы па ўмацаванні мяжы “не спыняліся з 2022 года, калі вораг зайшоў і акупаваў дзевяць населеных пунктаў у Жытомірскай вобласці не праз мяжу вобласці з Беларуссю, а праз Чарнобыльскую зону”.
Бунечка заявіў, што “чалавеку проста немагчыма прайсці роў па ўсёй працягласці мяжы там, дзе няма натуральнай перашкоды ў выглядзе балот”. Гэтаму перашкаджаюць “калючы дрот “гарэза”, малапрыкметная “блытанка”, у якой нават ласі заблытваюцца”, а таксама “мінныя палі ў некалькі эшалонаў, фартыфікацыі, куча вайскоўцаў, памежнікі”.
Пры гэтым ён адзначыў, што, “на жаль, у эканамічным плане” ўкраінскія “палескія раёны страцілі вельмі шмат”. “Раней людзі ездзілі на базар адзін да аднаго: на выхадныя на нашыя блакітныя азёры беларусы прыязджалі, і гэта былі не вайскоўцы і не выведнікі, а простыя людзі, якія дакладна не падтрымліваюць расійскую агрэсію, — канстатаваў кіраўнік абласной ваеннай адміністрацыі. — Але зараз пад выглядам мірных зносін можа адбывацца што заўгодна, таму мы за гэтым вельмі сочым. Кантактаў няма, бо фактычна немагчыма прайсці да мяжы”.
Мясцовыя жыхары, паводле яго слоў, “усё ведаюць, але ўсё адно <…> маюцца прыкрыя факты, калі жыхары вобласці падрываліся”. “Напрыклад, быў выпадак, калі кіроўца, які прыехаў з сям’ёй у лес, загінуў у яе на вачах, наехаўшы колам на міну”, — паведаміў ён.
Бунечка скептычна паставіўся да пагрозы, якую нібыта ўяўляюць для Украіны вучэнні на поўдні Беларусі. “Калі з боку Беларусі кажуць пра пачатак вучэнняў, я разумею, якія сілы і сродкі ў гэтым задзейнічаныя. Калі там палохаюць, што сабралі мільён вайскоўцаў, я разумею, што тыя паўтара землякопы, якія ўдзельнічаюць у вучэннях, зараз для нас не з’яўляюцца пагрозай”, — заявіў украінскі чыноўнік.
Агульная працягласць беларуска-ўкраінскай мяжы складае 1.084,2 км. Жытомірская вобласць Украіны мяжуе толькі з Гомельскай вобласцю Беларусі, працягласць агульнай мяжы — 280 км.
24 лютага 2022 года Расія пачала поўнамаштабную ваенную агрэсію супраць Украіны, якая была падтрыманая ўладамі ў Мінску. З пачатку ўварвання, а таксама ў асобныя перыяды пазней, тэрыторыя Беларусі актыўна выкарыстоўвалася расійскім войскам для нанясення ўдараў па Украіне.
21 ліпеня 2022 года ў інтэрв’ю французскаму інфармацыйнаму агенцтву “Франс Прэс” Лукашэнка прызнаў, што з Беларусі ва Украіну была ўведзена 20-тысячная групоўка расійскіх войскаў. Пасля паўночныя тэрыторыі былі вызваленыя.
- Грамадства, Палітыка
- Грамадства
- Грамадства
- Навіны Германіі, Палітыка
- ЭканомікаБанкі за 12 месяцаў на чвэрць павялічылі прыбытак — НацбанкМатэрыял даступны толькі падпісчыкам ПОЗІРК+
- Грамадства
- Грамадства, Палітыка
- Грамадства
- ЭканомікаАб'ём выпуску фармпрадукцыі па выніках года перавысіць 2 млрд рублёў, чакае "Белфармпрам"Матэрыял даступны толькі падпісчыкам ПОЗІРК+
- Грамадства, Эканоміка
- Грамадства, Палітыка
- Эканоміка
- Грамадства, Палітыка
- ЭканомікаЧыстыя замежныя актывы Нацбанка ад пачатку года выраслі на 26,4%Матэрыял даступны толькі падпісчыкам ПОЗІРК+
- Эканоміка
- ЭканомікаАд пачатку года сума наяўных грошай у абароце вырасла на 19,4% — Нацбанк (падрабязна)Матэрыял даступны толькі падпісчыкам ПОЗІРК+
- Грамадства, Палітыка
- ЭканомікаБелстат: За дзевяць месяцаў будаўніча-мантажныя работы падаражэлі на 14,7%Матэрыял даступны толькі падпісчыкам ПОЗІРК+
- ЭканомікаПа выніках васьмі месяцаў Беларусь не была лідарам у ЕАЭС ні ў адным з сямі асноўных паказчыкаўМатэрыял даступны толькі падпісчыкам ПОЗІРК+
- Грамадства, Палітыка
- Грамадства
- Грамадства, Палітыка
- Эканоміка
- Эканоміка
- Грамадства
- АнонсыАнонсы падзей на 14 кастрычніка — 13 снежня 2024 годаМатэрыял даступны толькі падпісчыкам ПОЗІРК+
- ЭканомікаПерарэгістрацыю ў юрыдычныя асобы па новым заканадаўстве прайшлі 100 ІПМатэрыял даступны толькі падпісчыкам ПОЗІРК+
- Грамадства
- Грамадства, Палітыка
- ГрамадстваМінюст хоча ліквідаваць два аб'яднанні мастакоўМатэрыял даступны толькі падпісчыкам ПОЗІРК+