28 кастрычніка, Позірк. Ва ўсіх рэгіёнах Беларусі па выніках студзеня — верасня 2024 года адзначана зніжэнне пагалоўя буйной рагатай жывёлы (БРЖ: каровы, быкі і інш.) да аналагічнага перыяду 2023-га, сведчыць праведзены “Позіркам” аналіз даных Нацыянальнага статыстычнага камітэта.
На 1 кастрычніка ў Брэсцкай вобласці пагалоўе складала 858.020 (па выніках трох кварталаў 2023-га — 878.697; -2,4%), Віцебскай — 492.687 (508.814; -3,2%), Гомельскай — 600.456 (615.201; -2,4%), Гродзенскай — 684.969 (699.797; -2,1%), Мінскай — 916.488 (944.309; -2,9%), Магілёўскай — 498.695 (521.552; -4,4%).
За 29 гадоў у Беларусі пагалоўе буйной рагатай жывёлы знізілася на 22,3% (пачатак 2024-га да пачатку 1995-га).
На 1 студзеня 1995 года яно складала 5 млн 403,3 тыс., на 1 студзеня 2024-га — 4 млн 197,3 тыс.
Падрабязнасці даступныя падпісчыкам “Позірк+”
