Дзяржпадтрымка 21 друкаванага СМІ працягнута на 2025 год

11 снежня, Позірк. Пра зацвярджэнне спісу друкаваных СМІ, якім у 2025 годзе будзе аказвацца падтрымка з дзяржаўнага бюджэту, паведамляе Міністэрства інфармацыі.

У спіс уключаныя “масава-палітычныя, літаратурна-мастацкія, адукацыйныя, культуралагічныя, адукацыйныя СМІ, а таксама выданні для дзяцей і моладзі, асноўнай мэтай якіх з’яўляецца рэалізацыя дзяржаўнай інфармацыйнай палітыкі: знаёмства грамадскасці з актуальнымі праблемамі палітычнага, сацыяльна-эканамічнага развіцця Рэспублікі Беларусь, функцыянавання сістэмы ідэалогіі, адукацыі і іншых сацыяльных сфер краіны”, паведамілі ў ведамстве.

Спіс не змяніўся ў параўнанні з 2022–2024 гадамі, у яго зноў уключаныя (у дужках — заснавальнікі і (ці) выдаўцы):

часопіс “Алеся” (Міністэрства інфармацыі, Беларускае таварыства жанчын);

часопіс “Беларускі гістарычны часопіс” (Міністэрства адукацыі);

часопіс “Бярозка” (выдавецкі дом “Звязда”);

газета “Вместе!” (Міністэрства працы і сацыяльнай абароны, Беларускае таварыства інвалідаў);

часопіс “Вясёлка” (выдавецтва “Адукацыя і выхаванне”);

“Журнал спецыяльнага прызначэння” (выдавецкі дом Адміністрацыі прэзідэнта “Беларусь сёння”);

газета “Звязда” з дадаткамі “ЧЫРВОНКА Чырвоная змена”, “Мясцовае самакіраванне” (Савет Рэспублікі, Палата прадстаўнікоў, Савет міністраў; БРСМ);

газета “Знамя юности” (Міністэрства адукацыі, БРСМ, ВД “Беларусь сёння”);

газета “Зорька” (БРСМ);

газета “Літаратура і мастацтва” (Міністэрства інфармацыі, Саюз пісьменнікаў Беларусі, рэдакцыйна-выдавецкае ўстанова “Літаратура і мастацтва”);

часопіс “Маладосць” (Міністэрства інфармацыі, Саюз пісьменнікаў Беларусі, РВУ “Літаратура і мастацтва”);

часопіс “Мастацтва” (Міністэрства культуры);

часопіс “Народная асвета” (Міністэрства адукацыі);

“Народная газета” (ВД “Беларусь сёння”);

часопіс “Нёман” (Міністэрства інфармацыі, Саюз пісьменнікаў Беларусі, выдавецкі дом “Звязда”);

часопіс “Полымя” (Міністэрства інфармацыі, Саюз пісьменнікаў Беларусі, ВД “Звязда”);

часопіс “Родная прырода” (Міністэрства прыродных рэсурсаў і аховы навакольнага асяроддзя);

газета “Рэспубліка” (Савет міністраў, ВД “Беларусь сёння”);

газета “СБ. Беларусь сёння” (Адміністрацыя прэзідэнта, ВД “Беларусь сёння”);

“Сельская газета” (Савет міністраў, ВД “Беларусь сёння”);

газета “Спартыўная панарама” (Міністэрства спорту і турызму).

У рэспубліканскім бюджэце на 2024 год выдаткі на “перыядычны друк і выдавецтва” прадугледжаны ў памеры 6,7 млн рублёў, на “падтрыманне тэлебачання і радыёвяшчання” — 142,4 млн.