Белстат: Рэальныя даходы насельніцтва за год выраслі на 9,5%
17 снежня, Позірк. Рэальныя грашовыя даходы насельніцтва (даходы з улікам інфляцыі) у студзені — кастрычніку 2024 года павялічыліся на 9,5% у параўнанні з аналагічным перыядам 2023-га, вынікае з паведамлення Нацыянальнага статыстычнага камітэта.
Згодна з важнейшымі прагнознымі (дэ-факта планавымі) параметрамі развіцця краіны на 2024 год, рост гэтых даходаў павінен скласці 3,5%.
У 2023 годзе рэальныя даходы, паводле даных Белстата, выраслі на 6,3% (пры плане ўладаў 4,1%), у 2022 годзе было адзначана скарачэнне на 3,6% (пры плане павялічыць іх на 2%).