На жанчыну-кіроўцу, якая збіла насмерць дзіця ў Мінску, распачатая крымінальная справа

11 студзеня, Позірк. У дачыненні да жанчыны-кіроўцы, якая збіла напярэдадні ў Мінску дзіця, што пераходзіла дарогу, распачатая крымінальная справа паводле ч. 2 арт. 317 КК (парушэнне правіл дарожнага руху, якое прывяло з неасцярожнасці да смерці чалавека), заяўляе Следчы камітэт.

Як паведамляў “Позірк”, трагедыя адбылася каля 21:00 10 студзеня на вул. Касманаўтаў (Маскоўскі раён сталіцы). 28-гадовая кіроўца аўтамабіля “Форд” не прапусціла дзіця на нерэгуляваным пешаходным пераходзе. Хлопчык памёр на месцы ад атрыманых траўмаў.

СК апублікаваў відэазапіс з момантам аварыі. На кадрах відаць, як два чалавекі пераходзяць дарогу па пешаходным пераходзе з сярэдзіны праезнай часткі. Адзін з іх запавольваецца перад усё больш блізкім аўтамабілем, другі паскараецца і літаральна знікае пад яго коламі.

Грамадства

Грамадства

У Віцебску пад коламі мікрааўтобуса загінуў школьнік, распачатая крымінальная справа

9 студзеня, Позірк. Школьнік загінуў пад коламі мікрааўтобуса 9 студзеня ў Віцебску, паведамляе прэс-служба Следчага камітэта. Трагедыя адбылася каля 13:00 на праспекце Чарняхоўскага. Паводле папярэдняй інфармацыі, кіроўца аўтамабіля "Мэрсэдэс Спрынтар" збіў дзіця на рэгуляваным пешаходным пераходзе, праехаўшы на забараняльны сігнал святлафора. Паведамляецца, …

Чытаць