Курсы долара, юаня і расійскага рубля знізіліся на біржавых таргах 14 студзеня

14 студзеня, Позірк. Амерыканская, кітайская і расійская валюты патаннелі на таргах Беларускай валютна-фондавай біржы 14 студзеня 2025 года.

Каціроўка долара знізілася да 3,496 рубля (-0,0023; -0,07%), юаня — да 4,7418 за 10 (-0,0023; -0,05%), расійскага рубля — да 3,399 за 100 (-0 ,0061; -0,18%).

Таргі еўра не праводзіліся. Напярэдадні ён патаннеў да 3,5924 рубля (-0,0065; -0,18%).

На мінулым працоўным тыдні (6–11 студзеня) долар патаннеў на 0,68% (з 3,4955 да 3,4719 рубля), еўра — на 0,32% (з 3,6104 да 3,5989), юань — на 2,9% (з 4,8834 да 4,742 за 10); расейскі рубель падаражэў на 1,47% (з 3,3562 да 3,4055 за 100).

На 9,32% (з 3,1775 да 3,4735 рублі) вырас афіцыйны курс долара ў Беларусі ў 2024 годзе. Гэта чацвёрты паказчык на тэрыторыі былога СССР, сведчыць праведзены “Позіркам” параўнальны аналіз каціровак цэнтрабанкаў на 31 снежня 2023 года і 31 снежня 2024-га.

У 2023 годзе ў Беларусі было другое месца па росце афіцыйнага курсу долара (+16,12%), у 2022-м — трэцяе (+7,39%), у 2021-м — чацвёртае сярод краін на тэрыторыі былога СССР, дзе даляр патаннеў (-1,19%), у 2020-м — першае месца паводле яго падаражэння (+22,59%).