За мінулыя суткі на пажарах у Беларусі загінула два чалавекі

27 студзеня, Позірк. За мінулыя дзяжурныя суткі (з 6:00 26 студзеня па 6:00 27 студзеня) на пажарах у Беларусі загінула два чалавекі, сведчыць аператыўная зводка Міністэрства па надзвычайных сітуацыях.

Трагедыі адбыліся ў Гарадоцкім раёне Віцебскай вобласці і Ашмянскім раёне Гродзенскай вобласці.

З пачатку года на тэрыторыі краіны адбыўся 451 пажар — на 11,2% менш, чым за той жа перыяд 2024-га (508). Загінула 65 чалавек (-15,6%; 77), траўмавана — 42 (аналагічна).