У студзені — лютым рознічны тавараабарот павялічыўся на 10%

17 сакавіка, Позірк. У студзені — лютым 2025 года рознічны тавараабарот склаў 14,3 млрд рублёў, павялічыўшыся на 10% у супастаўных цэнах да аналагічнага перыяду 2024-га, сведчаць даныя Нацыянальнага статыстычнага камітэта.

У студзені 2025-га рост складаў 12,5%.

У студзені 2024 года ён вырас на 9,9%, студзені — лютым і студзені — сакавіку — на 13%, студзені — красавіку — на 12,1%, студзені — траўні — на 12,2%, студзені — чэрвені — на 11,5%, студзені — 12%, са студзеня — верасня па студзень — снежань — па 11,8%.

Тавараабарот у сферы грамадскага харчавання за два месяцы 2025-га вырас у гадавым выражэнні на 3,6% (у студзені — на 6,8%) — да 999,1 млн рублёў.

Рознічны тавараабарот арганізацый гандлю, на які прыпала 95,4% усяго рознічнага тавараабароту, вырас на 10,9% да 13,7 млрд рублёў (+13,1%).

Аптовы тавараабарот знізіўся на 1,8% да 27,7 млрд рублёў (-2,6%).

Унутраны попыт (спажыванне хатніх гаспадарак) заставаўся “галоўным маторам росту эканомікі”, заяўляў на брыфінгу 11 лістапада 2024 года старшы навуковы супрацоўнік даследчага цэнтра BEROC Дзмітрый Крук.