Еўра падаражэў на дзве капейкі на таргах БВФБ 3 красавіка

3 красавіка, Позірк. Агульная еўрапейская, а таксама расійская валюты падаражэлі на таргах Беларускай валютна-фондавай біржы 3 красавіка.

Курс еўра вырас да 3,3938 рубля (+0,71%; +0,0238), расійскага рубля — да 3,6611 за 100 (+0,003%; +0,0001).

Каціроўка долара знізілася да 3,1261 (-0,07%; -0,0023), юаня — да 4,2284 за 10 (-0,13%; -0,0057).

На мінулым працоўным тыдні (24–28 сакавіка) долар патаннеў на 0,53% (з 3,1342 да 3,1176), еўра — на 0,76% (з 3,3716 да 3,3459), юань — на 0,29% (з 4,227 да 4,227); расійскі рубель падаражэў на 0,38% (з 3,6497 да 3,6634 за 100).

На 10,25% (з 3,4735 да 3,1176 рублі) знізіўся афіцыйны курс долара ў Беларусі за першы квартал гэтага года. Гэта другі паказчык на тэрыторыі былога СССР, сведчыць праведзены “Позіркам” параўнальны аналіз каціровак цэнтрабанкаў на 31 снежня 2024 года і 31 сакавіка 2025-га (па выніках студзеня і студзеня — лютага таксама другое месца, -1,73% і -8,54% адпаведна).

Аналіз таксама паказаў, што афіцыйны курс долара ў Беларусі ў 2024 годзе вырас на 9,32% (з 3,1775 да 3,4735 рублі). Гэта чацьверты паказчык на тэрыторыі былога СССР.

У 2023 годзе ў Беларусі было другое месца паводле росту афіцыйнага курсу долара (+16,12%), у 2022-м — трэцяе (+7,39%), у 2021-м — чацвёртае сярод краін на тэрыторыі былога СССР, дзе долар патаннеў (-1,19%), у 2020-м — першае месца.