4 красавіка, Позірк. Каля 20:30 3 красавіка на 351 км аўтадарогі М-8 “Мяжа РФ — Віцебск — Гомель — мяжа Украіны” адбылося дарожна-транспартнае здарэнне са смяротным зыходам.
34-гадовы кіроўца “Лады” ўчыніў спадарожнае сутыкненне з прычэпам трактара “Беларус”, паведамляе МУС. Ад удару аўтамабіль выехаў на паласу сустрэчнага руху, дзе сутыкнуўся з грузавіком.
Кіроўца і 60-гадовы пасажыр легкавога аўто загінулі.
Раней “Позірк” паведамляў, што агульная колькасць аўтамабільных аварый у Беларусі ў 2024 годзе павялічылася на 8,8% у параўнанні з 2023-м (з 3.173 да 3.453).
