У Лідзе пад коламі аўтамабіля загінуў падлетак, які ехаў на электрасамакаце
4 красавіка, Позірк. Каля 08:30 на вуліцы Гастэлы ў Лідзе (Гродзенская вобласць) адбылося смяротнае ДТЗ з удзелам непаўналетняга.
Паводле папярэдняй інфармацыі МУС, 15-гадовы школьнік на электрасамакаце перасякаў праезную частку па нерэгуляваным пешаходным пераходзе. Кіроўца BMW не падаў яму перавагу ў руху і здзейсніў наезд.
На месцы здарэння працуюць супрацоўнікі ДАІ і следча-аператыўная група.
Раней “Позірк” паведамляў, што агульная колькасць аўтамабільных аварый у Беларусі ў 2024 годзе павялічылася на 8,8% у параўнанні з 2023-м (з 3.173 да 3.453). Загінула ў гадавым вымярэнні на 0,5% менш чалавек (434 супраць 436).
У ДТЗ у Гомельскай вобласці загінулі два чалавекі
4 красавіка, Позірк. Каля 20:30 3 красавіка на 351 км аўтадарогі М-8 "Мяжа РФ — Віцебск — Гомель — мяжа Украіны" адбылося дарожна-транспартнае здарэнне са смяротным зыходам. 34-гадовы кіроўца "Лады" ўчыніў спадарожнае сутыкненне з прычэпам трактара "Беларус", паведамляе МУС. Ад …