Долар і юань патаннелі на таргах 18 красавіка 2025 года

Ілюстрацыя: pixabay.com

18 красавіка, Позірк. Амерыканская і кітайская валюты патаннелі на таргах Беларускай валютна-фондавай біржы 18 красавіка 2025 года.

Каціроўка долара знізілася да 3,059 рубля (−0,73%; −0,0224), юаня — да 4,1341 за 10 (−0,76%; −0,0318).

Расійскі рубель падаражэў да 3,68 за 100 (+0,29%; +0,0105).

Таргі еўра не праводзіліся. 17 красавіка ён падаражэў да 3,5046 рубля (+0,75%; +0,026).

На мінулым працоўным тыдні (7−11 красавіка) патаннелі долар — на 0,66% (з 3,1293 да 3,1086), юань — на 0,51% (з 4,2304 да 4,2087 за 10) і расійскі рубель — на 0,54% (з 3,6642 да 3,6445 за 100); еўра падаражэў на 1,89% (з 3,4104 да 3,4747).

За першы квартал гэтага года афіцыйны курс долара ў Беларусі знізіўся на 10,25% (з 3,4735 да 3,1176 рубля). Гэта другі паказчык на тэрыторыі былога СССР, сведчыць праведзены “Позіркам” параўнальны аналіз каціровак цэнтрабанкаў на 31 снежня 2024 года і 31 сакавіка 2025-га (па выніках студзеня і студзеня — лютага таксама другое месца, −1,73% і −8,54% адпаведна).

Аналіз таксама паказаў, што афіцыйны курс долара ў Беларусі ў 2024 годзе вырас на 9,32% (з 3,1775 да 3,4735 рубля). Гэта чацвёрты паказчык на тэрыторыі былога СССР.

У 2023 годзе ў Беларусі было другое месца па росце афіцыйнага курса долара (+16,12%), у 2022-м — трэцяе (+7,39%), у 2021-м — чацвёртае месца сярод краін на тэрыторыі былога СССР, дзе долар патаннеў (−1,19%), у 2020-м — першае па яго падаражанні (+22,59%).