З прыходам ядзерных тэхналогій у Беларусі пачалі ўкараняць нарматыўную базу РФ — Дзяржатамнагляд

22 красавіка, Позірк. У Беларусі “не было іншага выбару і неабходнасці” ацэньваць бяспеку атамнай электрастанцыі інакш, як паводле расійскіх нормаў, паколькі ў краіну “з ядзернымі тэхналогіямі прыйшла” менавіта Расія, і праект быў выкананы паводле яе нормаў, заявіў на прэс-канферэнцыі 22 красавіка ў Мінску намеснік начальніка Дэпартамента па ядзернай і радыяцыйнай бяспецы МНС (Дзяржатамнагляд) Рыгор Асташка.

Для правядзення ацэнкі ў Беларусі, паведаміў ён, пачалі ўкараняць адпаведную нарматыўную базу РФ. Расійскія нарматыўныя акты, падкрэсліў спікер, перапрацоўваліся і адаптаваліся пад “беларускую глебу”. Сёння, паводле яго слоў, адаптавана каля 30 нормаў, якія дзейнічаюць у суседняй краіне.

Збудаванне БелАЭС ля Астраўца (Гродзенская вобласць) завяршылася ўвосень 2023 года. Станцыя пабудаваная паводле расійскага праекта, генеральным падрадчыкам выступіў “Расатам”.

Першы энергаблок АЭС сілкуе энергасістэму Беларусі з 3 лістапада 2020 года, другі — з 13 траўня 2023-га. У прамысловую эксплуатацыю яны ўведзеныя ў чэрвені 2021-га і лістападзе 2023-га адпаведна.

Падрабязнасці даступныя падпісчыкам “Позірк+”