У першым квартале 2025 года сярод несезонных тавараў хутчэй за ўсё даражэлі какава, селядзец і шакалад
29 красавіка, Позірк. Какава-парашок, салёны селядзец і шакалад апынуліся лідарамі па падаражэнні сярод харчовых і агулам усіх несезонных тавараў у першым квартале 2025 года, вынікае з праведзенага “Позіркам“ аналізу даных Белстата.
Рост коштаў склаў 16,58%, 13,58% і 9,83% адпаведна.
У першай тройцы асобна сярод нехарчовых тавараў — жывыя зрэзаныя кветкі (+8,89%), штодзённыя газеты (+7,64%) і жаночыя скураныя туфлі на нізкім абцасе, сінтэтычнай падэшве (+7,22%).
