Курс долара на біржы 6 траўня знізіўся да 21-месячнага мінімуму
6 траўня, Позірк. Амерыканская, агульная еўрапейская, а таксама кітайская валюты патаннелі на таргах Беларускай валютна-фондавай біржы 6 траўня 2025 года.
Курс долара знізіўся да 3,0127 рубля (-0,66%; -0,0199). У апошні раз гэтая валюта так нізка таргавалася каля двух гадоў таму. Па выніках сесіі 28 ліпеня 2023 года каціроўка долара вырасла з 3,0057 да 3,0258 рубля (+0,67%; +0,0201).
Юань патаннеў да 4,1515 за 10 (-0,65%; -0,027), еўра — да 3,405 (-1,22%; -0,042).
Расійскі рубель падаражэў да 3,6792 за 100 (+0,55%; +0,02).
На мінулым — скарочаным — працоўным тыдні таргі праводзіліся двойчы — 30 красавіка і 2 траўня. Па выніках апошніх курс долара знізіўся на 0,35% (з 3,0512 да 3,0405 рубля), юаня — на 0,2% (з 4,1900 да 4,1818 за 10); расійскага рубля вырас на 0,24% (з 3,6471 да 3,6557 за 100).
Афіцыйны курс долара ў Беларусі за першую траціну гэтага года знізіўся на 12,16% (з 3,4735 да 3,0512 рубля). Гэта другі паказчык на тэрыторыі былога СССР, сведчыць праведзены “Позіркам” параўнальны аналіз каціровак цэнтрабанкаў на 31 снежня 2024 года і 30 красавіка 2025-га (па выніках студзеня, студзеня — лютага, студзеня — сакавіка таксама другое месца, -1,73%, -8,54%, -10,25% адпаведна).
У 2024 годзе афіцыйны курс долара ў Беларусі вырас на 9,32% (з 3,1775 да 3,4735 рубля). Гэта чацвёрты паказчык на тэрыторыі былога СССР.
У 2023 годзе ў Беларусі было другое месца паводле росту афіцыйнага курсу долара (+16,12%), у 2022-м — трэцяе (+7,39%), у 2021-м — чацвёртае сярод краін на тэрыторыі былога СССР, дзе долар патаннеў (-1,19%), у 2020-м — першае месца.
