Грузія не ўпусціла назад яшчэ аднаго актывіста беларускай дыяспары (дапоўнена)
Пункт пропуску Садахло на мяжы Грузіі і Арменіі
8 траўня, Позірк. Грузія адмовілася ўпускаць назад актывіста беларускай дыяспары Дзмітрыя Грынкевіча, які часова выязджаў, паведаміў “Позірку“ брэсцкі праваабаронца Раман Кісляк, які з 2021 года жыве ў гэтай краіне і больш за два гады змагаецца за атрыманне абароны.
Як адзначыў Кісляк, Грынкевіч быў актыўным членам беларускай дыяспары Аджарыі. У прыватнасці, на пікеце год таму ў Батумі каля паліцэйскага ўчастка ён і Андрэй Мялешка, якога ўлады Грузіі не ўпусцілі ў краіну летась у верасні, бралі інтэрв’ю ў праваабаронцы.
Грынкевіч паведаміў “Позірку”, што раніцай 8 траўня ён разам з сябрам прыехаў з Батумі ў Тбілісі, а адтуль накіраваўся на мяжу з Арменіяй “праходзіць візаран” (кароткатэрміновы выезд з краіны для абнаўлення тэрміну бязвізавага знаходжання). Мяжу праходзілі пешкі.
Паводле слоў актывіста, калі ён пакідаў тэрыторыю Грузіі, памежнікі ўжо яго “крыху мурыжылі”. Пры спробе вярнуцца з Арменіі правяралі прыкладна паўтары гадзіны, пасля чаго выдалі дакумент аб забароне ўезду ў краіну. Пры гэтым праводзіўся відэазапіс размовы з прадстаўніком памежнай службы, які адзначыў, што рашэнне аб забароне ўезду можа быць абскарджанае на працягу 10 дзён.
Цяпер Грынкевіч, аўтар ютуб-канала ЗУХ Źmicer, знаходзіцца на кантрольна-прапускным пункце Садахло і, паводле яго слоў, абдумвае далейшыя дзеянні. Не выключана, што ён распачне жывую трансляцыю з мяжы на сваім ютуб-канале.
Беларусы больш актыўна сталі падавацца на прытулак у Грузіі на фоне планаў уладаў ускладніць працэдуру — праваабаронца
Апублікавана на адкрытай версіі "Позірку" 8 траўня 2025 года ў 09:58 8 траўня, Позірк. Беларусы больш актыўна сталі падавацца на прытулак у Грузіі на фоне планаў уладаў спрасціць для сябе і ускладніць для грамадзян працэдуру разгляду заяў. Пра гэта паведаміў …
