Ад пачатку года прампрадукцыя падаражэла на 4,4% — даныя Белстата

12 траўня, Позірк. У красавіку 2025 года прамысловая прадукцыя падаражэла на 0,7% у параўнанні з сакавіком, ад пачатку года — на 4,4%, сведчаць даныя Нацыянальнага статыстычнага камітэта.

У прыватнасці інвестыцыйныя тавары падаражэлі на 0,7% і 1,7% адпаведна, прамежкавыя — на 0,6% і 5,1%, спажывецкія — на 0,8% і 3,3%.

Цэны на сельскагаспадарчую прадукцыю за месяц павялічыліся на 0,7%, за траціну года сталі большыя на 2,5% (у раслінаводстве: +3,5% і +4,6%, жывёлагадоўлі: +0,1% і +2%).

Як паведамляў “Позірк”, спажывецкія цэны ў красавіку 2025 года выраслі на 1%, у гадавым вымярэнні — на 6,5%.

Даведка “Позірку”:

• інвестыцыйныя тавары — тавары, якія выпускаюцца за кошт інвестыцыйнага капіталу і служаць мэтам замены, абнаўлення, якаснага паляпшэння асноўных сродкаў;
• прамежкавыя тавары — тавары, якія выкарыстоўваюцца не для канчатковага спажывання, а для далейшага вытворчасці тавараў і паслуг;
• спажывецкія тавары — тавары бытавога прызначэння, неабходныя для задавальнення патрэбаў чалавека.

Падрабязнасці даступныя падпісчыкам “Позірк+”