Тры чалавекі загінулі ў ДТЗ у Чавускім раёне
14 траўня, Позірк. 62-гадовы кіроўца і два пасажыры аўтамабіля “Лада” загінулі ў выніку дарожна-транспартнага здарэння каля вёскі Гарбавічы Чавускага раёна (Магілёўская вобласць), паведамляе Міністэрства ўнутраных спраў.
ДТЗ адбылося раніцай 14 траўня, згаданы аўтамабіль, як адзначаецца, выехаў на паласу сустрэчнага руху і сутыкнуўся з мінівэнам “ГАЗ”.
Кіроўца “Газэлі” і яшчэ адзін пасажыр легкавога аўтамабіля шпіталізаваныя.
“На месцы здарэння працуюць супрацоўнікі ДАІ, МНС, следча-аператыўная група”, — гаворыцца ў паведамленні.
