ДПК правёў вучэнні з беспілотнікамі

15 траўня, Позірк. Навучальна-метадычны збор з намеснікамі камандзіраў і начальнікамі ўпраўленняў тэрытарыяльных органаў пагранічнай службы прайшоў з 13 па 15 траўня пад кіраўніцтвам першага намесніка старшыні Дзяржпагранкамітэта палкоўніка Андрэя Філатава, паведамляе прэс-служба ведамства.

“З пагранічнікамі правялі заняткі па ахове ваенных гарадкоў, арганізацыі прымянення беспілотнікаў, сувязі і дактыласкапіі. Удзельнікі паспяхова выканалі кантрольныя практыкаванні па фізічнай і агнявой падрыхтоўцы”, — гаворыцца ў рэлізе.

Рэжым Аляксандра Лукашэнкі няспынна праводзіць вучэнні, трэніроўкі, зборы на фоне абвастрэння адносін з Захадам і поўнамаштабнай вайны Расіі супраць Украіны, у якой афіцыйны Мінск падтрымлівае Крэмль.

У лютым 2022 года ўварванне ажыццёўлена ў тым ліку з беларускай тэрыторыі.