Зніжэнне аб’ёму грузаперавозак назіраецца чатыры месяцы запар

16 траўня, Позірк. Аб’ём грузаперавозак у студзені — красавіку 2025 года знізіўся на 3% (тут і далей у гадавым выражэнні), паведамляе Нацыянальны статыстычны камітэт.

Цягам пяці апошніх месяцаў 2024 года назіралася памяншэнне росту ў гэтым сегменце транспартнай галіны. Па выніках студзеня — жніўня аб’ём вырас на 3,8%, студзеня — верасня — на 2,8%, студзеня — кастрычніка — на 2,3%, студзеня — лістапада — на 1,9%, студзеня — снежня — на 1,5%.

У студзені 2025 года зніжэнне складала 1,6%, студзені — лютым і студзені — сакавіку — 2,7%.

Пасажыраабарот транспарту (вылічаецца шляхам памнажэння колькасці пасажыраў на адлегласць перавозак) вырас у першым квартале на 7,2% (па выніках студзеня — сакавіка — 7,1%), было перавезена на 1,5% больш пасажыраў (+2%).

У Беларусі грузаабарот транспарту памяншаўся: у 2019 годзе — на 5,8%, 2020-м — на 5,9%, 2021-м — на 3,6%, 2022-м — на 25,4%, 2023-м — на 17,7%.

Раней аналітыкі Еўразійскага банка развіцця патлумачылі значнае скарачэнне грузаабароту ў Беларусі “парушэннем транспартна-лагістычных ланцужкоў, закрыццём паўднёвай часткі паветранай прасторы Расіі, спыненнем перавозак у зносінах з Украінай”.