Грузія забараніла грамадзянам Беларусі рээкспарт аўтамабіляў і спецтэхнікі
20 траўня, Позірк. Улады Грузіі забаранілі з 15 траўня грамадзянам Беларусі і Расіі рээкспартаваць аўтамабілі і спецтэхніку праз тэрыторыю краіны, паведамляе партал bm.ge.
Са спасылкай на Агенцтва абслугоўвання МУС Грузіі адзначаецца, што змены закранаюць легкавыя аўтамабілі, бульдозеры, экскаватары, грэйдары, трактары.
Удакладняецца, што рээкспарт транспартных сродкаў у Беларусь і РФ быў забаронены і раней, аднак грамадзяне гэтых краін “маглі афармляць вываз аўтамабіляў з Грузіі ў трэція дзяржавы”.
Цяпер такая магчымасць выключаная.
“У РФ звязваюць новыя абмежаванні з журналісцкімі расследаваннямі, у якіх паведамлялася, што Грузія выкарыстоўваецца як транзітны канал для абыходу санкцый. Ва ўрадзе Грузіі неаднаразова абвяргалі такія публікацыі, заяўляючы, што краіна выконвае ўсе абмежаванні”, — гаворыцца ў публікацыі.
Грузія забараніла рээкспарт у Беларусь і Расію аўтамабіляў, увезеных на яе тэрыторыю з ЗША і Еўропы, з 1 жніўня 2023 года. Адзначалася, што рашэнне прынятае ў сувязі з “мерамі, якія ўводзяцца для выканання міжнародных санкцый”.
У першым квартале 2025 года Грузія адмовіла ў прытулку 13 беларусам, у тым ліку двум непаўналетнім (падрабязна)
6 траўня, Позірк. У першым квартале 2025 года Грузія, якой кіруе партыя “Грузінская мара“ прарасійскага алігарха Бідзіны (Барыса) Іванішвілі, адмовілася даць прытулак 13 беларусам, у тым ліку непаўналетнім, вынікае з праведзенага “Позіркам“ аналізу статыстыкі мясцовага МУС. Не задаволеныя хадайніцтвы двух …