У Беларусі памяншаецца колькасць дзяцей, якія знаходзяцца ў сацыяльна небяспечным становішчы — Мінадукацыі
27 траўня, Позірк. У Беларусі цяпер каля 19 тыс. дзяцей з 9 тыс. сем’яў, што прызнаныя асобамі ў сацыяльна небяспечным становішчы (СНП), паведаміла на прэс-канферэнцыі 27 мая ў Мінску галоўны спецыяліст упраўлення сацыяльнай, выхаваўчай і ідэалагічнай працы Міністэрства адукацыі Алена Вайцяховіч.
У параўнанні з 1 ліпеня 2024 года колькасць дзяцей у такім становішчы зменшылася на 17,39%, сем’яў — на 18% (было 23 тыс. і 11 тыс. адпаведна).
Спецыяліст адзначыла, што каля 70% дзяцей штогод здымаюць з уліку ў сувязі з “нармалізацыяй сітуацыі ў сям’і”, а за першы квартал 2025 года гэты паказчык склаў 84%.
