Медыяпраект “Жыццё-маліна” прызнаны “экстрэмісцкім фарміраваннем”
Мікіта Мелказёраў
27 траўня, Позірк. Міністэрства ўнутраных спраў прызнала медыяпраект “Жыццё-маліна” “экстрэмісцкім фарміраваннем”, паведамляе адзін з праўладных тэлеграм-каналаў.
“Калі вы знаходзіцеся ў Беларусі, абавязкова паклапаціцеся пра сваю бяспеку”, — адзначаецца ў сувязі з гэтым у тэлеграм-канале медыяпраекта.
“Жыццё-маліна” — аўтарскі праект блогера Мікіты Мелказёрава. Уяўляе сабой рэгулярныя інтэрв’ю ў аднайменным ютуб-канале (98,8 тыс. падпісантаў), героямі якіх становяцца пераважна прадстаўнікі беларускай эміграцыі.
Кантэнт праекта ў 2022 годзе быў прызнаны “экстрэмісцкімі матэрыяламі”.
Дзейнасць, якая прыраўноўваецца да “экстрэмісцкай”, праследуецца ўладамі ў крымінальным парадку. Гэта адзін з актыўных інструментаў палітычных рэпрэсій.
У спісе “экстрэмісцкіх фарміраванняў” цяпер каля 300 пазіцый.
