У Талачынскім раёне аўтацягнік насмерць збіў 24-гадовага мужчыну

29 траўня, Позірк. У ноч на 29 траўня ў дарожным-транспартным здарэнні пад Талачынам (Віцебская вобласць) загінуў мужчына, паведамляе Дзяржаўны камітэт судовых экспертыз.

Адзначаецца, што ён быў збіты аўтацягніком на міжнароднай аўтадарозе “Брэст — мяжа Расійскай Федэрацыі”.

Асоба загінулага была ўстаноўлена судовым экспертам па адбітках пальцаў, ім, як паведамляецца, аказаўся 24-гадовы жыхар Салігорска (Мінская вобласць).

Узбуджана крымінальная справа.

Сітуацыя з гібеллю ў дарожных аварыях за мінулы год нязначна палепшылася, вынікае з праведзенага “Позіркам” аналізу даных Нацыянальнага статыстычнага камітэта.

Усяго ў краіне ў 2024-м колькасць ДТЗ павялічылася на 8,8% (з 3.173 да 3.453). У іх загінула на 0,5% менш чалавек (436; 434).