У траўні сярод несезонных тавараў хутчэй за ўсё даражэлі какава-парашок і цэмент

13 чэрвеня, Позірк. Какава-парашок і цэмент сталі лідарамі па падаражэнні сярод несезонных тавараў і паслуг у траўні 2025 года, сведчыць праведзены “Позіркам“ аналіз даных Белстата.

У першым выпадку рост цэн склаў 11,26% пры агульным павелічэнні цэн на харчовыя тавары на 1,19%, у другім — 7,86% пры агульным павелічэнні цэн на нехарчовыя тавары на 0,20%.

Агуламу траўні спажывецкія цэны павялічыліся на 0,66%, з пачатку года — на 4,45%.

Як паведамляў “Позірк“, за пяць месяцаў 2025 года сярод сезонных тавараў больш за ўсё падаражэлі капуста — у 2,17 раза, рэпчатая цыбуля — на 76,98%, морква — на 70,54%, буракі — на 70,47%, бульба — на 68,24%. У траўні пяцёрка лідараў была тая ж: капуста (+45,21%), цыбуля (+39,50%), буракі (+32,33%), морква (+26,51%), бульба (+26,30%).

Іншыя падрабязнасці аб дынаміцы цэн на спажывецкім рынку ў траўні і за пяць месяцаў 2025 года даступныя падпісчыкам “Позірк+“