Дажджлівае надвор’е асабліва моцна адаб’ецца на бульбе — Белгідрамет
8 жніўня, Позірк. Дажджлівае надвор’е сёлета летам “асабліва, вядома, моцна адаб’ецца на бульбе”, заявіла начальнік службы гідралогіі і аграметэаралогіі Белгідрамета Кацярына Істоміна на прэс-канферэнцыі 8 жніўня.
“Гэта значыць на бягучы момант пераўвільгатненне прывяло да з’яўлення фітафторы на пасевах на досыць вялікіх плошчах“, — патлумачыла яна.
Дэфіцыт бульбы сёлета вясной стаў прычынай неаднаразовых разбораў на нарадах з удзелам Аляксандра Лукашэнкі.
“Бягучы год — усе заўважылі — даволі-такі цяжкі па ўмовах надвор’я як для чалавека, так і для любой сельскагаспадарчай культуры“, — адзначыла на прэс-канферэнцыі сіноптык.
Паводле слоў прадстаўніка Белгідрамета, калі ў папярэднія гады больш за ўсё пасевы пакутавалі ад засухі, то 2025 год адрозніваецца пераўвільгатненнем. У ліпені “тэмпературны рэжым і дастатковая забяспечанасць вільгаццю“ стымулявалі “рост клубняў бульбы, карняплодаў, вегетатыўнае нарастанне мас траў“. “Пры гэтым, вядома, захаванне пераўвільгатнення і дажджы, якія прыводзілі да пераўвільгатнення на яшчэ большых тэрыторыях рэспублікі, стваралі перадумовы для з’яўлення хвароб, у першую чаргу на бульбе“, — сказала Істоміна.
Іншыя падрабязнасці даступныя падпісчыкам “Позірк+”
Гл. па тэме:
Картофельный заговор. Кто съел нашу бульбу? (на рускай мове)
За апошнія паўтара года бульба ў Беларусі падаражэла ў 3 разы
Палата прадстаўнікоў прыняла законапраект, які ўводзіць адказнасць за адсутнасць у продажы гародніны
