КДБ дадаў у спіс “тэрарыстаў” яшчэ чатырох чалавек

22 жніўня, Позірк. Камітэт дзяржаўнай бяспекі 21 жніўня ўнёс у пералік “асоб, якія маюць дачыненне да тэрарыстычнай дзейнасці”, яшчэ чатырох грамадзян Беларусі.

Гэта асуджаныя да пазбаўлення волі на невядомы тэрмін палітвязні: мінчанка Марына Мазоўка (ч. 3 арт. 361 КК — заклікі да мер абмежавальнага характару (санкцый), іншых дзеянняў, накіраваных на прычыненне шкоды нацбяспецы Беларусі) і гомельскі адвакат Сяргей Хлыстоў (арт. 361 і арт. 130 КК — распальванне расавай, нацыянальнай, рэлігійнай альбо іншай сацыяльнай варожасці або варажнечы).

Таксама ў спіс “тэрарыстаў” уключаныя асуджаных на невядомы тэрмін паводле ч. 3 арт. 361 КК Максім Грытчанка і Васіль Бачко.

Усе чацвёра раней былі ўключаныя ў пералік “асоб, якія маюць дачыненне да экстрэмісцкай дзейнасці”.

У “спісе тэрарыстаў” 1.447 пазіцый і 1.326 чалавек, з іх 633 — грамадзяне Беларусі. Абвешчаным “тэрарыстамі” зняволеным забаронена атрымліваць грашовыя пераводы.