Лукашэнка заявіў, што ў Польшчы з-за дронаў, якія заляцелі, “нагнятаюць абстаноўку на роўным месцы, як дзікуны”

11 верасня, Позірк. Беларусь “імгненна, задоўга, наколькі гэта магчыма”, праінфармавала Польшчу аб надыходзячых дронах, заявіў Аляксандр Лукашэнка, прымаючы з дакладам пастаяннага прадстаўніка Беларусі ў ААН Валянціна Рыбакова.

“Да нас не ляцелі гэтыя беспілотнікі”, — сказаў ён (па відэа ў тэлеграм-канале “Пул Первого”).

“Мы бачылі, куды ляцелі гэтыя беспілотнікі. Усё, што маглі мы знішчыць, мы збілі, гэтыя беспілотнікі. Але некалькі засталося. <…> Што ў выніку атрымалі? Слухайце, як дзікуны. Вось нагнятаюць абстаноўку на роўным месцы”, — сцвярджае Лукашэнка.

“Яны, напэўна, хочуць, каб мы адэкватным чынам на гэта рэагавалі. Ну я ўжо тысячу разоў папярэджваў, што мы не хочам ніякіх войнаў і канфліктаў. Мы не хочам закрыцця межаў. Але калі нас будуць ставіць перад фактам, мы вымушаны будзем рэагаваць”, — сказаў ён.