У Кобрыне патанулі два рыбакі

3 студзеня, Позірк. Пра ўтапленне ў Кобрыне (Брэсцкая вобласць) двух мужчын паведамляе Міністэрства па надзвычайных сітуацыях.

“2 студзеня ў 16.38 ратавальнікам паступіла паведамленне аб выяўленні на беразе ракі Мухавец па вуліцы Першамайскай у горадзе Кобрыне асабістых рэчаў грамадзян і рыбалоўных снасцей”, — адзначае ведамства.

Пасля прыбыцця супрацоўнікаў МНС да паказанага месца “на адлегласці каля 15 метраў ад берага ў палонцы” былі таксама выяўленыя “прадметы адзення”.

У ходзе пошукаў, праведзеных сумесна з прадстаўнікамі Рэспубліканскага таварыства ратавання на водах (ТРВОД), целы загінулых былі знойдзеныя “без выратавальных камізэлек”, гаворыцца паведамленні. “Неад’емны атрыбут бяспекі знаходзіўся на беразе”, — удакладнілі ў МНС.

Абставіны здарэння высвятляюцца.

Згодна з інфармацыяй ТРВОД, загінулымі з’яўляюцца мужчыны 1994 і 2004 гадоў нараджэння.

Паводле звестак ТРВОД, за першае паўгоддзе 2025 года ў Беларусі патанула 120 чалавек, у тым ліку 6 непаўналетніх.