Ціханоўская: Роля АБСЕ асабліва важная на фоне ўсё большых рэпрэсій
31 студзеня, Позірк. Сёння, на фоне ўсё большых рэпрэсій, асабліва важная роля Арганізацыі па бяспецы і супрацы ў Еўропе (АБСЕ), заявіла дэмакратычны лідар Святлана Ціханоўская 31 студзеня з нагоды 34-й гадавіны далучэння Беларусі да АБСЕ.
Роля арганізацыі, на думку палітыка, сярод іншага заключаецца ў тым, каб “захоўваць увагу да Беларусі, настойваць на доступе да палітычных вязняў і забяспечваць прыцягненне рэжыму да адказнасці за здзейсненыя злачынствы”.
“Мір у нашым рэгіёне немагчымы без свабоднай Беларусі”, — напісала Ціханоўская на сваёй старонцы ў сацыяльнай сетцы Х.
1 жніўня 1975 года былі падпісаныя Хельсінкскія пагадненні, якія пасля сталі падмуркам для стварэння АБСЕ. Беларусь стала паўнапраўным членам арганізацыі 30 студзеня 1992 года.
30 з 57 дзяржаў — членаў АБСЕ (уключаючы амаль усе краіны ЕС, Нарвегію, Вялікабрытанію, Канаду, Украіну і ЗША) уваходзяць у дзейную ў рамках арганізацыі групу “сяброў дэмакратычнай Беларусі”.
Група "сяброў дэмакратычнай Беларусі" пры АБСЕ заклікала Мінск выконваць міжнародныя абавязацельствы ў галіне правоў чалавека
5 снежня, Позірк. Цалкам выканаць свае міжнародныя абавязацельствы і абавязацельствы АБСЕ ў галіне правоў чалавека і дэмакратыі, а таксама спыніць падтрымку "незаконнай і неабгрунтаванай агрэсіўнай вайны Расіі супраць Украіны", заклікала афіцыйны Мінск група "сяброў дэмакратычнай Беларусі" ў Арганізацыі па бяспецы …
Намеснік кіраўніка МЗС Беларусі заклікаў краіны АБСЕ адмовіцца ад практыкі ўвядзення “незаконных санкцый”
5 снежня, Позірк. Адмовіцца “ад практыкі ізаляцыі, навешвання цэтлікаў і ўвядзення незаконных санкцый” заклікаў краіны арганізацыі па бяспецы і супрацоўніцтве ў Еўропе (АБСЕ) намеснік міністра замежных спраў Беларусі Ігар Сякрэта, выступаючы 4 снежня на 32-м пасяджэнні Савета міністраў замежных спраў …
