У Гродне 72-гадовая жанчына загінула пад коламі аўтамабіля, перасякаючы дарогу па-за пешаходным пераходам
5 лютага, Позірк. Ранкам 5 лютага ў Гродне пад коламі аўтамабіля загінула 72-гадовая жанчына, паведамляе прэс-служба УУС Гродзенскага аблвыканкама.
Паводле інфармацыі ведамства, трагедыя адбылася каля 7:25. Аўтамабіль “Фольксваген” з 29-гадовым кіроўцам за стырном, рухаючыся па вул. Фабрычнай, наехаў на жанчыну, калі тая “пераходзіла праезную частку па-за пешаходным пераходам”.
“У выніку дарожна-транспартнага здарэння пешаход загінула на месцы. Па факце ДТЗ прызначаная праверка”, — гаворыцца ў паведамленні.
73-гадовая жанчына загінула ў ДТЗ у Брэсце, віноўнік аварыі спрабаваў уцячы і быў затрыманы
4 лютага, Позірк. Аб смяротным дарожным-транспартным здарэнні паведамляе УУС Брэсцкага аблвыканкама. Аварыя здарылася 4 лютага ў Брэсце. Адзначаецца, што каля 13:05 23-гадовы кіроўца аўтамабіля "ГАЗ" каля дома №16 па вуліцы К.Маркса рухаўся заднім ходам, "не пераканаўся ў бяспецы выкананага манеўру …
