Начное ДТЗ у Лідзе — кіроўца таксі збіў 20-гадовую дзяўчыну-пешахода

8 лютага, Позірк. Аб дарожна-транспартным здарэнні з удзелам пешахода ў Лідзе паведамляе тэлерадыёкампанія “Гродна”.

Адзначаецца, што ДТЗ здарылася каля трох гадзін ночы 8 лютага на вуліцы Камуністычнай.

“Паводле папярэдняй інфармацыі, 26-гадовы кіроўца аўтамабіля-таксі “Фальксваген”, рухаючыся ў напрамку вуліцы Машэрава, здзейсніў наезд на 20-гадовую дзяўчыну, якая пераходзіла дарогу па-за пешаходным пераходам”, — гаворыцца ў паведамленні.

Пацярпелая з пераломамі і сінякамі была дастаўлена ў бальніцу.

“У цяперашні час па факце ДТЗ праводзіцца праверка. Абставіны здарэння высвятляюцца”, — паведамляе дзяржаўнае медыя.