Від на жыхарства ў Грузіі мае больш за 3,7 тыс. беларусаў (статыстыка)
18 лютага, Позірк. 3.738 грамадзян Беларусі маюць аформлены ў Грузіі від на жыхарства (ВНЖ). Пра гэта, паводле інфармацыі тэлеграм-канала Тbiisi life, заявіў падчас выступлення ў парламенце краіны прэм’ер-міністр Іраклій Кабахідзэ.
З прыведзеных ім даных, вынікае, што гэта шосты паказчык сярод усіх краін, грамадзяне якіх маюць ВНЖ ў Грузіі. На першым месцы знаходзіцца Расія (32.129 чалавек, большая частка якіх — былыя грамадзяне Грузіі або асобы з грузінскімі прозвішчамі), далей ідуць: Індыя (23.900, у асноўным — студэнты), Азербайджан (каля 6.700), Украіна (6.290) і Арменія (каля 5.000).
На сёмым месцы — Турцыя (3.645), у першую дзясятку ўваходзяць таксама Іран (3.331), Судан (каля 2.200) і Кітай (каля 2.000).
Грузія стала адной з асноўных краін, куды эмігравалі беларусы, якія асцерагаліся рэпрэсій на радзіме пасля пацярпелых няўдачу масавых акцый пратэсту супраць фальсіфікацыі вынікаў прэзідэнцкіх выбараў-2020 на карысць Аляксандра Лукашэнкі.
Паводле звестак МУС Грузіі, на 1 студзеня 2025 года ў краіне пражывала 12.808 імігрантаў з беларускім грамадзянствам. Пры гэтым Беларусь уваходзіць у лік 96 краін, грамадзяне якіх могуць бесперапынна знаходзіцца ў краіне на працягу года, не афармляючы ВНЖ. Пасля гэтага, каб абнуліць тэрмін, неабходна выехаць на любы перыяд часу. Назад пускаюць не ўсіх. У зоне рызыкі перш за ўсё тыя, хто праяўляе публічную палітычную актыўнасць.
У 2025 годзе Грузія выслала шэсць беларускіх грамадзян (падрабязна)
7 лютага, Позірк. Шэсць беларускіх грамадзян выслала Грузія ў 2025 годзе, сведчыць праведзены “Позіркам“ аналіз даных, апублікаваных паліцыяй краіны. Усе высланыя — мужчыны. Трое з іх — ва ўзросце ад 26 да 40 гадоў, двое — ад 18 да 25, …
