10 сакавіка, Позірк. Беларус Раман Свірыдзенка 10 сакавіка заваяваў залаты медаль у лыжных гонках (спрынт класічным стылем) на Паралімпійскіх гульнях.
Як вынікае з інфармацыі на сайце гульняў, срэбра і бронзу выйгралі лыжнікі з Германіі і Францыі.
Беларускія спартсмены выступаюць на Паралімпійскіх гульнях з дзяржаўнай сімволікай, прадстаўлены толькі ў лыжных гонках.
Акрамя Свірыдзенкі, у спаборніцтвах удзельнічаюць Валянціна Бірыла, Лідзія Лобан і Дар’я Фядзьковіч.
11 сакавіка адбудуцца гонкі з раздзельным стартам класічным стылем, 14 сакавіка — эстафеты, 15 сакавіка — гонкі з раздзельным стартам свабодным стылем на 20 км.
Пасля перамогі Свірыдзенкі Беларусь займае 16-е месца ў агульным медальным заліку Паралімпіяды, лідзіруе з вялікім адрывам Кітай.
Шэраг краін байкатавалі цырымонію адкрыцця Паралімпіяды на знак пратэсту супраць допуску да спаборніцтваў з дзяржаўнай сімволікай спартсменаў з Беларусі і РФ.
Паралімпійскія гульні праходзяць у Мілане і Карціна-д’Ампеца (Італія) ад 6 да 15 сакавіка.
Аўтарызавацца
Забыліся пароль?
Выхад з профілю
