За месяц запасы новых легкавых аўтамабіляў на беларускіх складах павялічыліся на 27,7% — БАА
12 сакавіка, Позірк. На 1 сакавіка 2026 года на складах дылераў і вытворцаў назапасілася 9,5 тыс. новых легкавых аўтамабіляў, паведамляе Беларуская аўтамабільная асацыяцыя.
У параўнанні з пачаткам лютага гэты запас павялічыўся на 27,7%.
“Цяперашні ўзровень запасаў у 228% ад аб’ёму лютаўскіх продажаў перавышае стандартныя рыначныя паказчыкі, — канстатавала БАА. – Для аўтамабільнага рынку Беларусі нармальным каэфіцыентам стоку (адносіны запасаў да аб’ёму продажаў за папярэдні месяц) лічыцца 2,0 — гэта значэнне забяспечвае баланс інтарэсаў бізнесу і дастатковы выбар для пакупніка”.
Калі паказчык каэфіцыента перавысіць 2,5 (цяпер 2,28), гэта, на думку асацыяцыі, “будзе сігналізаваць пра пераход да “рынку пакупніка”, дзе прапанова дамінуе над попытам”. У той жа час, падзенне ніжэй за 1,5 “паказвае на рызыку ўзнікнення дэфіцыту (“рынак прадаўца”)”.
Раней БАА паведамляла, што ў лютым у Беларусі прададзена 4,1 тыс. новых легкавых аўтамабіляў — на 13% больш, чым месяцам раней.
Агульны аб’ём аўтамабільнага рынку Беларусі ў 2025 годзе склаў 158,7 тыс. адзінак, заяўляў напрыканцы студзеня дырэктар УП “БАА-Кансалт” (даччынае прадпрыемства БАА) Дзмітрый Ярота. Гэта ўсе аўтамабілі, пастаўленыя на ўлік, у тым ліку прададзеныя юрыдычнымі асобамі, патлумачыў ён. За год рынак вырас на 14%.
Пры ўстойлівым курсе рубля цэны на аўтамабілі будуць стабільныя прынамсі ў першым паўгоддзі — прагноз БАА
28 студзеня, Позірк. Пры стабільным курсе нацыянальнай валюты цэны на аўтамабілі “застануцца пад ціскам, пад якім яны знаходзяцца сёння, — ціскам з боку попыту”, заявіў кіраўнік праўлення Беларускай аўтамабільнай асацыяцыі Сяргей Варывода на прэс-канферэнцыі 28 студзеня. Паводле яго слоў, такая сітуацыя з …
