Жанчына 1935 года нараджэння патанула ў Горацкім раёне

7 красавіка, Позірк. Пра ўтапленне ў Горацкім раёне (Магілёўская вобласць) жанчыны 1935 года нараджэння паведамляе Рэспубліканскае таварыства ратавання на водах (ТРВОД).

Цела загінулай вынята з ракі Рамясцвянка каля вёскі Галёнкі.

“У нядзелю яна пайшла з дому ў невядомым кірунку і не вярнулася. Была знойдзеная супрацоўнікамі міліцыі ў паўметры ад берага”, — гаворыцца ў паведамленні.

Паводле інфармацыі ТРВОД, у 2025 годзе зарэгістравана 492 здарэнні на вадаёмах, у тым ліку 54 — з непаўналетнімі (у 2024-м — 586 і 75 адпаведна; -16% і -28%).

Ад утаплення загінула 278 чалавек (368; -24,5%), у тым ліку 12 непаўналетніх (22; -45,5%).