У віноўніка ДТЗ у Аршанскім раёне знойдзены пісталет з патронамі — мужчына арыштаваны і аштрафаваны

13 красавіка, Позірк. Пісталет і патроны да яго канфіскаваныя ў Аршанскім раёне (Віцебская вобласць) у віноўніка дарожна-транспартнага здарэння, паведамляе Дзяржаўны камітэт судовых экспертыз (ДКСЭ).

Адзначаецца, што мужчына “рухаўся транзітам”. Пасля здзяйснення ДТЗ ён быў дастаўлены ў лячэбную ўстанову для аказання медыцынскай дапамогі, дзе ў яго былі выяўленыя пісталет і патроны.

Канфіскаванае накіравалі на балістычную экспертызу.

Супрацоўнікі ДКСЭ вызначылі, што пісталет “Grand Рower T11” належыць да “катэгорыі агнястрэльнай зброі траўматычнага дзеяння”, 10 патронаў “прыдатныя для стральбы”, гаворыцца ў паведамленні.

Была узбуджана крымінальная справа паводле арт. 295 (незаконныя дзеянні ў дачыненні да агнястрэльнай зброі, боепрыпасаў і выбуховых рэчываў) і арт. 333¹ (незаконнае перамяшчэнне праз мяжу ЕАЭС або Беларусі моцнадзейных, атрутных, атрутных рэчываў, радыеактыўных матэрыялаў, зброі, боепрыпасаў або ваеннай тэхнікі) Крымінальнага кодэкса.

Суд арыштаваў мужчыну на 3 месяцы і аштрафаваў на 1.000 базавых велічынь (45.000 рублёў).

10 сакавіка Дзяржаўны мытны камітэт (ДМК) паведамляў аб узбуджэньні крымінальнай справы ў дачыненьні да грамадзяніна Расіі. Мужчына спрабаваў увезці ў Беларусь траўматычны пісталет “Гроза-021” з патронамі.