29 жніўня, Позірк. Вольна наведваць лясы можна толькі ў 28 са 118 раёнаў (23,7%) Беларусі, сведчыць абноўленая інтэрактыўная мапа на сайце Міністэрства лясной гаспадаркі.
У Віцебскай вобласці бесперашкодна хадзіць у лясы можна ў 13 раёнах з 21 (61,9%) — Бешанковіцкім, Глыбоцкім, Гарадоцкім, Докшыцкім, Дубровенскім, Лепельскім, Аршанскім, Полацкім, Пастаўскім, Талачынскім, Ушацкім, Чашніцкім і Шумілінскім.
У Гродзенскай вобласці — у 8 з 17 (47,1%) — Воранаўскім, Гродзенскім, Іўеўскім, Карэліцкім, Лідскім, Мастоўскім, Навагрудскім, Шчучынскім; Мінскай — у 5 з 22 (22,7%) — Барысаўскім, Валожынскім, Крупскім, Маладзечанскім, Смалявіцкім; Магілёўскай — у 2 з 21 (9,5%) — Бабруйскім і Кіраўскім.
У астатніх 90 раёнах краіны, уключаючы ўсю тэрыторыю Брэсцкай і Гомельскай абласцей (16 і 21 раён адпаведна), наведванне лясоў абмежаванае. Гэта азначае, што ў лясы нельга заязджаць на аўтамабілі і разводзіць там вогнішчы, але даступныя шпацыры, збор ягад ды грыбоў.
