Каардынацыйная рада прапанавала падоўжыць на год паўнамоцтвы прадстаўнікоў АПК Коўшык і Сахашчыка

4 жніўня, Позірк. Каардынацыйная рада яшчэ на год — да 8 жніўня 2024-га — прапанавала працягнуць паўнамоцтвы прадстаўнікоў Аб’яднанага пераходнага кабінета Аліны Коўшык (па нацыянальным адраджэнні) і Валера Сахашчыка (па абароне і нацыянальнай бяспецы).

За Коўшык прагаласаваў 71 сябра КР, супраць — 1, устрымаліся — 8, паведамляе прэс-служба рады.

Сахашчык атрымаў 57 галасоў “за”, 8 — “супраць”, яшчэ 18 чалавек устрымаліся.

2 жніўня ў Варшаве Коўшык і Сахашчык публічна прадставілі справаздачы аб сваёй дзейнасці за мінулы год (кабінет быў створаны ў жніўні 2022-га).

На наступны дзень выступілі яшчэ два прадстаўнікі кабінета Вольга Гарбунова (па сацыяльных пытаннях) і Валер Кавалеўскі (па замежных справах). 4 жніўня зробіць справаздачу Павел Латушка (прадстаўнік па транзіце ўлады), які з-за візіту ў Кіеў не змог зрабіць гэта ў адзін з папярэдніх двух дзён, аднак прадставіў даклад завочна. Калі выступіць прадстаўнік АПК па аднаўленні правапарадку Аляксандр Азараў, пакуль невядома.

Канчатковае рашэнне па персаналіях прымае кіраўніца кабінета Святлана Ціханоўская.

Гл. на тэму:

“Міністры” Ціханоўскай трымаюць адказ. Але яны не могуць скокнуць вышэй за пояс (на рускай мове)