“Мінскводаканал”: Праект па пераводзе Мінска на артэзіянскую ваду знаходзіцца ў актыўнай стадыі рэалізацыі

18 ліпеня, BPN. Праект па пераводзе Мінска на артэзіянскую ваду “знаходзіцца ў актыўнай стадыі рэалізацыі”, заявіў на прэс-канферэнцыі 18 ліпеня першы намеснік дырэктара — галоўны інжынер УП “Мінскводаканал” Антон Галаскок.

“Тыя, хто праязджаў па кальцавой дарозе, асабліва ў бок Брэста, маглі звяртаць увагу на актыўныя работы, — адзначыў ён. — Гэта акурат адзін з этапаў рэалізацыі праекта па пераводзе Мінска на падземныя крыніцы водазабеспячэння. Зараз актыўна вядзецца праца па пракладцы сетак водазабеспячэння”.

20 сакавіка 2022 года намесніца генеральнага дырэктара вытворчага аб’яднання “Белводаканал” Ірына Роўба заявіла, што да канца 2025 года ўсе жыхары Беларусі будуць забяспечаны пітной вадой з падземных крыніц.